TOP

Nnalongo afiiriddwa abalongo mu ntiisa

By Deborah Nanfuka

Added 3rd May 2016

Ssaalongo Godfrey Mubiru, taata w’abaana yagambye nti tebamanyi kyayokezza baana kubanga mu nnyumba temwabaddemu muliro nga n’amasannyalaze tegaliiko.

Nalongo1 703x422

Nnaalongo n’abalongo be.

Bya SAUYAH NAMWANJE NE DEBORAH NANFUKA

ABALONGO ab’emyaka esatu n’ekitundu bafudde mu ntiisa, bwe baggyiridde mu nnyumba nnyaabwe mw’abadde abazazise ng’agenze ku dduuka okugula amafuta.

Joan Nsubuga, muliraanwa wa Nnaalongo Betty yategeezezza nti abaana bano Gideon Waswa Kiberu ne Gilbert Kato Kizito nnyabwe yakomyewo nabo awaka e Namasuba mu Para Zooni okuva ku mudaala waatundira amanda ng’obudde butandise okukwata ku Ssande n’abeebasa ye n’agenda ku dduuka okugula amafuta ga sitoovu.

 nnyumba abaana mwe baafiiridde Ennyumba abaana mwe baafiiridde.

 

“Nafulumyeko wabweru ku ssaawa nga 2:00 nagenze okulaba ng’ennyumba ya Nnaalongo eyabadde enzigale evaamu omukka n’omuliro ne gutandika okwaka ne nkuba enduulu abantu ne batandika okuyiira ennyumba amazzi okutaasa abaana,” Nsubuga bwe yannyonnyodde.

Amawulire Nnaalongo gaamusanze mu kkubo n’adduka okujja okutaasa abaana yasanze abantu bakkakkanyizza omuliro nga n’oluggi balumenye n’ayingira butereevu.

Yatuukide ku Waswa n’amuyita n’ayitaba kwe kumuggyayo n’amuteeka wabweru kyokka ye Kato yabadde takyayogera nga ne bulangiti emwokyezza mu maaso. Poliisi yagenze okujja ng’abaana bamaze okubaggyayo n’ebatwala mu ddwaaliro e Mulago gye baafiiridde ku Mmande nga bukya.

Ssaalongo Godfrey Mubiru, taata w’abaana yagambye nti tebamanyi kyayokezza baana kubanga mu nnyumba temwabaddemu muliro nga n’amasannyalaze tegaliiko.

More From The Author

Emboozi z’omuwandiisi endala

Emboozi endala

Mala1 220x290

BUKEDDE W’OLWOMUKAAGA AFULUMYE...

Mulimu abayizi 5 abasinze mu buli ssomero mu disitulikiti ez’enjawulo. Tukugattiddeko n’ebifaananyi byabwe nga...

Morning 220x290

Obulamu bw’okweyombekera kkoyi...

OBULAMU obw’omu bumenya! Bayibuli ekirambika nti ekitonde ekisajja kineegattanga n’ekitonde ekikazi ne bakola obufumbo...

Ssenga1 220x290

Bakwana batya?

Ekizibu kye nnina kya nsonyi ate nga ndi muvubuka wa myaka 21. Ntya n’okugamba ku muwala yenna. Ssenga nsaba kunnyamba...

Yaga 220x290

‘Muntaase puleesa egenda kunzita...

MUSAJJA mukulu Ssaalongo Vincent Kigudde 78, awanjagidde akakiiko akabuuliriza ku mivuyo gy’ettaka kamuyambe ku...

Nyanzi 220x290

Dr. Stella Nyanzi alemedde e Luzira...

Dr. Stella Nyanzi ajeemedde ebiragiro bya kkooti bw’agaanye okulinnya bbaasi y’abasibe emuleeta ku kkooti nga bwe...