TOP

Kayihura yeekwatidde mu muyiggo gwa Bakifeesi

By Eria Luyimbazi

Added 4th May 2016

Yagenze ne mu bitundu ebirala awagambibwa nti ba Kifeeesi gye basibuka omwabaddemu Katwe Kinyoro mu Kitooro ne ku kkanisa ya Agape awaasangiddwa abavubuka abaabadde beebase emisana ne bakwatibwa. Abaliraanye ekkanisa eno bano baabalumiriza okuba ku babatigomya.

Kifeesib1 703x422

Kayihura ng’aliko gw’asoya ebibuuzo mu bitundu by’e Katwe


OMUDUUMUZI wa poliisi mu ggwanga Gen Kale Kayihura avudde mu ofiisi n’agenda mu bifo omugambibwa okwekwekamu abavubuka abaakazibwako erya Kifeesi.

Kayihura ku Olwokubiri lwonna yaluwaddeyo n’ava mu ofiisi ng’agamba nti akooye okuwulira nti abavubuka abo abagambibwa okuteega abantu ne bababba balemeddwa okukwatibwa.

Ekikwekweto kino Kayihura yakitandikidde ku Conrad Plaza ku Ntebe Road nadda Nkurumah nagenda ku luguudo lw’eggaali y’omukka gye yakwatidde abavubuka babiri nga bano olwalabye aba poliisi ne bagezaako okudduka okuyingira omwala gw’e Nakivubo.

Yagenze ne mu bitundu ebirala awagambibwa nti ba Kifeeesi gye basibuka omwabaddemu Katwe Kinyoro mu Kitooro ne ku kkanisa ya Agape awaasangiddwa abavubuka abaabadde beebase emisana ne bakwatibwa. Abaliraanye ekkanisa eno bano baabalumiriza okuba ku babatigomya.

Yeeyongeddeyo mu bitundu by’e Nsambya ng’abatuuze bamulaga obufo obw’obulabe okwabadde oluguudo oluva ku Sharing e Nsambya, ku limbo ne Ave Maria era nalagira ebitundu ebimu okusibwamu poliisi n’okwongera mu kulawuna.

Ebifo ebirala bye yalambudde kwabaddeko Nabisaalu, Nkere, Nsambya Gogonya n’awalala.

Abavubuka abasoba mu 15 be baakwatiddwa ne batwalibwa ku poliisi eya CPS, Nsambya Gogonya ne Katwe.

More From The Author

Emboozi z’omuwandiisi endala

Emboozi endala

Kt1 220x290

Poliisi ekoze ekikwekweto ku zi...

Poliisi ekoze ekikwekweto ku zi loogi n'egwa ku basinda omukwano

Cap1 220x290

AbaKulembeze mu kalungu batuuzizza...

AbaKulembeze mu kalungu batuuzizza olukiiko okutema empenda z'okulwanyisa COVID-19

Pop13 220x290

Poliisi etandise okunoonyereza...

Poliisi etandise okunoonyereza ku musirikale waayo eyakubye abaana be amasasi

Kafeera 220x290

Leero luno!

NG’ENSI eri ku bunkenke bw’ekirwadde kya Coronavirus, abamu ku Bannayuganda batandise okubiteekamu omuzannyo bo...

Gaali 220x290

Ono booda agiyita mmotoka?

ONO taata w’abaana ekiragiro kya Pulezidenti eky’emmotoka eza buyonjo okutikka abantu basatu yakifunye bulala....