TOP

Omukazi afumitiddwa ebiso n'afiirawo

By Musasi wa Bukedde

Added 11th May 2016

Omukazi afumitiddwa ebiso n'afiirawo

Muk1 703x422

Abatuuze nga bakuhhaanidde awaabadde obutemu. Mu katono ye mugenzi bw’abadde afaanana.

ABATEMU baayingiridde omukazi asula yekka mu nju ne bamusogga ebiso, ebyamusse ne badduka. Ettemu lino litabudde abatuuze kuba omukazi gwe basse si mugagga nti alina ebintu ne basaba poliisi esitukiremu enoonye abatemu.

Betty Ate, 38, abadde abeera ku kyalo Kitoolo, Najjembe mu disitulikiti y’e Buikwe, yattiddwa mu kiro ekyakeesezza eggulo ng’abatemu tebalina kintu kyonna kye baatutte. Omugenzi abadde asula yekka mu muzigo gwe yapangisa, ku kyalo kwe bamuzaala okuva bwe yanoba ewa bba. Abatuuze bagamba nti omugenzi abadde talina mulimu gwa nkalakkalira gw’akola okuggyako okunoga amayirungi n’agatunda.

Kyokka abadde amanyiddwa nti awoomerwa omwenge ng’abantu bano batera okubeera nabo. Omuwala gwe babadde bakola naye, Suzan Namusisi yagambye nti, yakedde okugenda okuzuukusa Ate, nga bwe baabadde bakkaanyizza eggulolimu kyokka yakanze kumuyita nga tamuddamu. “Nga wayiseewo ebbanga, nawaliriziddwa okusindika oluggi, era nneekanze okulaba ng’omukono gwe gujjudde omusaayi”, Namusisi bwe yategeezezza.

N’agamba nti teyasoose kutegeera nti afudde wabula yayise abantu bamutaase bamutwale mu ddwaaliro, kyokka baagenze okumutuukako ng’afudde. Abatuuze baayise poliisi y’e Lugazi eyazze n’eyingira mu nju omulambo mwe gwabadde n’egutwala mu ggwanika mu ddwaaliro ly’e Kawolo.

Poliisi yaggyeeko abantu sitetimenti okuzuula ekyabaddewo n’okubayamba mu kubuuliriza kwabwe. Omugenzi yabadde n’ekiwundu ku mukono n’ekisambi kyokka nga n’ensingo yabadde erabika nga gye baanyodde.

Okuttibwa kwa Ate, kutiisizza abatuuze kuba abatemu tebalina kintu kyonna kye baatutte nga newankubadde ennyumba za mizigo abantu abaliraanyeewo tewali yawulidde ng’obutemu bukolebwa.

More From The Author

Emboozi z’omuwandiisi endala

Emboozi endala

Kookifelixssekubuuza31 220x290

Atendeka Kiboga bagikubye ne yeekwasa...

Atendeka Kiboga agamba nti ddiifiri yagisalirizza olwo Kireka n'egikuba mu Big League.

Cfb9be2889d143b0855e06c5321dcb4c 220x290

Kabaka avuddeyo ku binyigiriza...

KABAKA Ronald Mutebi ll, avuddeyo ku binyigiriza abantu n’agamba nti, “Tunakuwala nnyo okuwulira ng’abantu baffe...

Guardiola2 220x290

Guardiola yeekengedde n’azza abazannyi...

Guardiola atidde okuddamu okukubwa Spurs eyabawandudde mu Champions League

Satr 220x290

BUKEDDE W’OLWOMUKAAGA YAFULUMYE...

Tukulaze ebiri mu bubaka bwa Kabaka obwa Paasika, bw’avuddeyo ku balina obuyinza abasengula abantu ku ttaka.

Siiba 220x290

Abeekalakaasi e Sudan balaze Gav't...

Abeekalakaasi e Sudan balaze Gav't gye baagala