TOP

Amazzi gazibye enguudo e Luweero ne Nakaseke

By Musasi wa Bukedde

Added 14th May 2016

Amazzi gazibye enguudo e Luweero ne Nakaseke

Wo1 703x422

Oluguudo lw’e Wakyato oludda e Kapeeka omugga Kizzikibi lwe lwazibye.

ENKUBA efudemba evuddeko emigga okubooga ne gisala amakubo agamu ne gawomoggolwa mukoka, ekikalubizza entambula n’okusannyalaza ebyenfuna mu Luweero, Nakaseke ne Nakasongola.

Nakaseke y’esinze okukosebwa oluvannyuma lw’emigga egiyiwa ku Kyoga okubooga nga kino kikosezza abalimi kuba ebirime byabwe bibulidde mu mazzi, abayizi balemeddwa okukola ebigezo nga n’abasuubuzi tebakyasobola kutambuza birime byabwe.

Ssentebe wa disituilikiti y’e Nakaseke, Ignatius Koomu Kiwanuka yasinzidde mu lukiiko lwa disitulikiti n’agugumbula abeerudde entobazzi ne balimiramu n’okuzimbamu n’agamba nti be bamu ku bavuddeko amazzi okukuluggusa ettaka ne liziba amakubo amazzi mwe gaali gayita.

Emigga egiyita kungulu kuliko Kizzikibi ng’abantu abava e Wakyato okudda e Kapeeka bakaluubiriziddwa entambula olw’ekitundu ekyasaliddwaako amazzi ng’ate oluguudo lubadde lwakaddaabirizibwa aba UNRA.

Ssentebe wa Wakyato omulonde, Samuel Serunjogi yagambye nti, abayizi mu masomero agasinga tebaakoze bigezo olw’amazzi okuziba enguudo sso ng’aamatooke, ente n’amata ebiyimirizaawo ekitundu kino ababirina tebasobola kubituusa mu katale.

Omugga Kayiwaggobe gwazibye oluguudo oluva e Wakyato okudda e Ngoma ng’abasuubuzi gye basinga okuggya amanda.

More From The Author

Emboozi z’omuwandiisi endala

Emboozi endala

Malawo 220x290

Agula emmaali y’omufu mu bukyamu...

WADDE okufa tteeka naye kino tekikugaana kukola nnyo obeereko ebyobugagga by’olekera abantu bo ssinga Katonda abeera...

Ssenga1 220x290

Njagala kutandika bulamu

NNINA siriimu era mmaze naye emyaka egiwera. Baze yafa ne nsigala n’abaana naye kati mpulira nnina okufuna omusajja...

Img20190117wa0028 220x290

Sipiika alagidde Katuntu okuyimiriza...

SIPIIKA wa Palamenti Rebecca Kadaga alagidde akakiiko ka COSASE akakubirizibwa Katuntu akabuuliriza ku mivuyo egyetobeka...

Soma 220x290

Abatuuze katono batte be balumiriza...

ABATUUZE ku kyalo Kiryamuli mu Ggombolola y’e Gombe mu disitulikiti y’e Wakiso bakkakkanye ku basajja babiri abagambibwa...

Panda 220x290

Maneja Kavuma ayagala Abtex amuliyirire...

Olutalo lw’abategesi b’ebivvulu, Musa Kavuma (KT Events) ne Abby Musinguzi amanyiddwa nga Abtex lusituse buto....