TOP

Omwana eyatugiddwa n'asuulibwa mu nsiko akwasizza mukazimuggya

By Musasi wa Bukedde

Added 15th May 2016

Omwana eyatugiddwa n'asuulibwa mu nsiko akwasizza mukazimuggya

Ba1 703x422

Namugenyi (wakati) maama w’omwana mu katono ye mwana Nalukwago eyatugiddwa

FAMIRE emaze ennaku ttaano ng’enoonya bbebi, laba bwe bamusanze mu kibira nga mufu, emiranga n’ebiwoobe ne bijjula ekyalo!

Bino byabadde ku kyalo Kigoma okumpi ne Bujuuko mu Wakiso, omulambo gwa Oliva Nalukwago bwe gwasangiddwa mu kibira ekiriraanye awaka. Nalukwago muwala wa Willy Katumba ne Justine Namugenyi, alumiriza nti yandiba nga mukazimuggya ye yakoze ekikolwa kino.

Omulambo gwe gwazuuliddwa omulimi Ashraf Ssemwogerere eyabadde agenze okufuuyira ennyaanya, ng’olwamaze kwe kuyingira ekibira y’etyabire ku nku ku Lwokuna n’agulaba.

 akawunde yakwatiddwa ku byokutta omwana wa muggya we Nakawunde, yakwatiddwa ku by’okutta omwana wa muggya we.

 Yategeezezza poliisi y’e Bujuuko olwo aba famire, nabo abaabadde ku muyiggo, olwafunye amawulire kwe kutuuka awali omulambo nga gwe gw’omwana waabwe.

Gwabaddeko enkwagulo mu maaso ne ku bulago era ng’ensingo nnyoole kyokka nga teguwunya, ekitegeeza nti gwabadde gwakasuulibwawo. Willy Katumba wa maka abiri (2) ng’amakulu gali Kigoma-Bujuuko awali mukyala we omulala, Jackie Nakawunde, omusuubuzi w’ebyennyanja era wano omwana w’abadde abeera ne banne abalala.

Ng’omwana yaakabula, Nakawunde yategeeza nga bw’agenda ewaabwe e Kkooki wabula banne b’omugenzi balumiriza nti yagenda naye ku Lwomukaaga ng’abagambye nti amutwala mu ddwaaliro, okusinziira ku jjajja w’omwana, Margret Nankobe. Amyuka okulira poliisi y’e Nansana, Thomas Angora, yakakasizza okukwatibwa kwa Nakawunde abayambeko mu kunoonyereza

More From The Author

Emboozi z’omuwandiisi endala

Emboozi endala

Sev3 220x290

Museveni agguddewo olusirika lwa...

Museveni agguddewo olusirika lwa NRM

Kab2 220x290

Ababadde bazze okupima ettaka emmotoka...

Ababadde bazze okupima ettaka emmotoka yaabwe bagikumyeko omuliro

Lab2 220x290

Kirya yeesozze "quarter" za Uganda...

Kirya yeesozze "quarter" za Uganda Cup n'okontola

Pop1 220x290

Okusunsula abayizi abagenda mu...

Okusunsula abayizi abagenda mu S5 kuwedde

Lop2 220x290

Ababbi balumbye ebyalo abatuuze...

Ababbi balumbye ebyalo abatuuze ne battako omu