TOP
  • Home
  • Agawano
  • Nja kuvuganya ku bwapulezidenti - Erias Lukwago

Nja kuvuganya ku bwapulezidenti - Erias Lukwago

By Hannington Nkalubo

Added 21st May 2016

LOODI Meeya Erias Lukwago alayidde nti tagenda kukkiriza ntegeka za Pulezidenti Museveni okusimbawo mutabani we Maj. Gen. Muhoozi ku ntebe ya Pulezidenti amuddire.

Kwago 703x422

Lukwago ng’ayogera ku kabaga ka Ssewanyana (ku ddyo). Wakati ye Hussein Kyanjo.

LOODI Meeya Erias Lukwago alayidde nti tagenda kukkiriza ntegeka za Pulezidenti Museveni okusimbawo mutabani we Maj. Gen. Muhoozi ku ntebe ya Pulezidenti amuddire.

“Pulezidenti Museveni atukankabudde emyaka 30 ate aleete ne mutabani we naye atukankabule emyaka 30 giwere 60 mu famire emu! Ekyo kikafuuwe. Mbalayirira nti oyo tugenda kuttunka kubanga tuli mu myaka gye gimu ate mmanyi tansobola,” Lukwago bwe yagambye.

Yabadde ku kabaga ka Allan Ssewanyana (Makindye West) ke yakoledde abalonzi be okubasiima okumuyiira obululu.

Yakakoledde mu kibangirizi ekiri ku kkooti e Makindye ku Lwokusatu.

Ebigambo ku Maj. Gen. Muhoozi byasaanudde abawagizi ku kabaga ne bamukubira emizira nga bwe bawoggana nti, “omuloodi todda mabega...” Yabadde ne Ssaabawandiisi wa DP, Mathias Nsubuga, Hussein Kyanjo, omubaka Kato Lubwama ne bameeya ba munisipaali okuli eya Kawempe Emmanuel Sserunjogi, Ronald Balimwezo ow’e Nakawa ne Nganda Mulyannyama ow’e Makindye.

Yagambye nti engeri Muhoozi gy’akuzibwamu eraga nti pulezidenti Museveni gw’ayagala amuddire mu bigere.

Yalabudde omubaka Allan Ssewanyana nti ekifo ky’awangudde kikulu naye kirimu okusoomoozebwa kunene.

“Gy’ogenze mu palamenti wali wo bingi aba NRM bye bagenda okukulimba ove ku mulamwa nga baagala otuukirize entegeka zaabwe. Ggwe oyise mu mikono gyange era mmanya nti abalonzi bakuwadde obululu nga bakwagala. Togeza okulimbibwa n’ova ku bantu kye bakulondedde,” Lukwago bwe yagambye.

Yategeezezza nti okwetaba ku kabaga ka Ssewanyana, Katonda ye yakimukoledde kubanga abadde yaggalirwa waka naye yabadde n’omusango mu kkooti e Makindye.

Omusango olwawedde yatudde ku mukolo teyavuddewo wadde baabadde bamugaanye.

Omubaka Allan Ssewanyana yagambye nti tasobola kuva ku bigambo bya Lukwago wadde abalonzi be.”Mwenna mulindirire olunaku palamenti lw’eneetuula n’eyagala okuyisa ekiteeso ekigya ekkomo ku myaka gya pulezidenti,” bwe yagambye.

Abantu kye boogera

l Munnamateeka Yusuf Nsibambi owa FDC yagambye nti Muhoozi okumuleeta avuganye ku bwapulezidenti tekirina mutawaana kubanga naye Munnayuganda kyokka kino kirina okugoberera emitendera emituufu.

l Wabula Haji Abdul Nadduli yawabudde Lukwago nti okuvuganya kwe mu byobufuzi aleme kukwesigamya ku Museveni. “Bw’aba ayagala okuvuganya akole bibye tawalampa balala.”

l Moses Kasibante yagambye nti pulezidenti Museveni tateekeddwa kukozesa nsimbi za ggwanga kuteekateeka muntu wa famire ye.

More From The Author

Emboozi z’omuwandiisi endala

Emboozi endala

Laga 220x290

Aba NRM ababeera mu mawanga g'ebweru...

SSABAWANDIISI wa NRM Kasule Lumumba asabye Bannayuganda abali mu mawanga g’ebweru okukomya okusiiga ensi yabwe...

Pata 220x290

Babakutte balimira mu kibira ky’e...

OMULAMUZI akulira kkooti ento e Masaka, Deogratious Ssejjemba yeesitudde n’agenda e Kasanje mu ggombolola y’e Kyesiiga...

Mate 220x290

Babakutte balimira mu kibira ky’e...

POLIISI y’e Mpigi ngeri wamu n’abakulira ekitongole ky’eby’ebibira mu ggwanga ekya National Forest Authority (NFA)...

Gano 220x290

Omugagga asenze ebintu bya Klezia...

KLEZIA n’abatuuze abalina ebibanja ku kyalo Nkakwa mu ggombolola y’e Ssi - Bukunja mu disitulikiti y’e Buikwe,...

Wanga 220x290

Obwaddereeva buliko emyaka gy’otolina...

OLUVANNYUMA lw’Omulangira Phillip bba wa Kwiini wa Bungereza, Elizabeth okufuna akabenje ng’avuga mmotoka ku myaka...