TOP
  • Home
  • Agawano
  • Ennyumba eyidde bali ku kabaga ka kulayira

Ennyumba eyidde bali ku kabaga ka kulayira

By Hussein Bukenya

Added 22nd May 2016

ESSANYU ly’omubaka we okulayira lyamuweddeko bwe yavudde ku kabaga gye yabadde ng’akuba ddansi n’asanga ng’ennyumba ye bagiteekedde omuliro ebintu byonna bisaanyeewo.

Sanyu 703x422

Omutuuze ng’alaga ebintu ebyayidde. Ku ddyo, Nabulya n’abaana be.

ESSANYU ly’omubaka we okulayira lyamuweddeko bwe yavudde ku kabaga gye yabadde ng’akuba ddansi n’asanga ng’ennyumba ye bagiteekedde omuliro ebintu byonna bisaanyeewo.

Yasoose kulowooza nti aloota kyokka yagenze okwetegereza ng’ebintu byonna bisirisse.

Famire ye yasobodde okusimattuka okuva bwe yabadde agenze nayo ku bikujjuko by’omubaka John Bosco Lubyayi Sseguya owa Mawokota South, eyabadde ava okulayira.

Geodfrey Mutebi omuwagizi wa Lubyayi lukulwe era omu ku baamunoonyeza akalulu yabadde ku mbuga y’eggombolola y’e Buwama ku bikujjuko ennyumba ne bagiteekera omuliro ebintu bye byonna ne biggyiramu omuli n’ebyuma ebikuba ebidongo bye yabadde yaakagula.

Ennyumba baagikumyeko omuliro ku ssaawa nga 3:00 ez’ekiro ekyakeseezza ku Lwokutaano ng’abantu bateebereza nti byandiba ebyobufuzi kuba Mutebi abadde talina mpalana na muntu yenna ku kyalo era ng’abadde talina luyombo lumanyiddwa.

Ruth Nabulya muka Mutebi, yategeezezza nti ab’ettima bano baakozesezza mafuta ga petulooli ge baasoose okumansa mu nnyumba ne bakoleeza omuliro ng’abaana be bataano ne bba baasigazza ngoye ze baabadde bambadde zokka.

Yagambye nti olw’okubulwa aw’okusula, kati basula mu kyangaala. “Abaayokezza ennyumba baatukoze bubi kuba okutandikira ku zeero si kyangu mu kiseera kino. wabula Katonda mulungi kuba tewali muntu yafiiridde mu nnyumba”, bwe yategeezezza.

Kansala w’eggombolola ye Buwama ku disitulikitiy’e Mpigi Joseph Ssempijja, yategeezezza nti ekikolwa kino kyakoleddwa bannabyabufuzi abatawagira Lubyayi n’ekigendererwa kyokulumya abawagizi be lukulwe.

Abatuuze baasabye poliisi okusitukiramu banoonye abeenyigidde mu kwokya ennyumba ya Mutebi n’okuzuula ekigendererwa kyabwe.

More From The Author

Emboozi z’omuwandiisi endala

Emboozi endala

Wano 220x290

Abakyala abagagga temunyooma babbammwe...

Omubaka omukazi owa disitulikiti y’e Ssembabule, Hanifa Kawooya akubirizza abakyala abagagga bakomye okunyooma...

Zina 220x290

Rev. Ssempangi waakuddamu okuggya...

Rev. Dr. Keefa Ssempangi eyalabiriranga abaana b’oku nguudo, ng’ayambibwako abamu ku baana be yayamba, ali mu nteekateeka...

Tulu 220x290

Mwegendereze siriimu akyaliwo -Minisita...

MINISITA w’obulimi, obulunzi n’obuvubi Vincent Ssempijja ajjukizza abavubuka nti siriimu akyaliwo akyegiriisa n’abasaba...

Pala 220x290

‘Kirungi okuyamba abali mu bwetaavu’...

BANNADDIINI okuva mu kigo kya Blessed Sacrament Kimaanya mu ssaza ly’e Masaka badduukiridde abakadde abatalina...

Batya1 220x290

‘Mufe ku mitima so si nnyambala’...

ABAKRISTU b’e Lukaya mu disitulikiti y’e Kalunguku Lwomukaaga baasuze mu Klezia nga batenderezza Katonda mu Mmisa...