TOP

Bapangisizza owa sipensulo mu Kisenyi ne bamutta

By Musasi wa Bukedde

Added 9th June 2016

Bapangisizza owa sipensulo mu Kisenyi ne bamutta

Ku1 703x422

Deus Muyunga, abadde akolera ku siteegi y’omu Kisenyi - Mengo.

OMUKAZI amaze ennaku essatu ng’asuubira nti bba, omuvuzi wa sipensulo, yapangisibwa kasitoma okumutwala ku safari, agguddewo ekigwo bwe bamukubidde essimu ne bamumubikira nti abatemu baamusse.

Juliat Nalubowa ow’e Maganjo A mu divizoni y’e Nabweru mu Wakiso, ye yagudde ku kibambulira, bba Deus Muyunga, 52, bwe yattiddwa abantu abatannategeerekeka. Muyunga abadde akolera ku siteegi y’e Kisenyi-Mengo mu Kampala. Omulambo gwe baagusuudde e Kigumba ku luguudo lw’e Gulu.

Nalubowa eyasangiddwa mu maka ge eggulo ng’amaziga gamuyitamu, yagambye nti waliwo abantu abaakubira bba essimu ku Ssande ku makya n’avaawo ng’amutegeezezza nti abatwala Kigumba.

“Oluvannyuma lw’okukubirwa essimu, yayambala mu bwangu n’avaawo ng’andekedde 20,000/- ez’okwekuumisa nti kyokka yali asuubira okudda amangu. Bwe nnamulinda ennaku bbiri nga simulaba kwe kugenda ku poliisi y’e Maganjo ne nzigulawo omusango gw’okubula kwa baze,” Nalubowa bwe yannyonnyodde.

Moureen Nalubega, muwala w’omugenzi, eyawondedde kitaawe e Kigumba eggulo, ye yakubidde nnyina essimu okumubikira bba oluvannyuma lw’okulagibwa omulambo ogwasangibwa ku kkubo n’azuula nga ye kitaawe.

Omwogezi wa Poliisi mu ggwanga, Fred Enanga yagambye nti bakola ekisoboka okuzuula abatemu bano kyokka n’awa aba sipensulo amagezi okwekengera ennyo abantu ababapangisa nga babatwala ku hhendo empanvu.

More From The Author

Emboozi z’omuwandiisi endala

Emboozi endala

Lab2 220x290

Engeri gy’olina okwewala okuferebwa...

Engeri gy’olina okwewala okuferebwa ku ttaka n’okufi irwa ebyobugagga byo

Hab1 220x290

Taata n’omwana bafudde lumu;Omu...

Taata n’omwana bafudde lumu;Omu bamuziise mu ntaana ya People power omulala mu ya NRM

Kab1 220x290

Dokita eyabuze akwasizza omusawo...

Dokita eyabuze akwasizza omusawo

Broronnie1 220x290

Bro. `Ronnie Mabakai alagudde bannabyabufuzi:...

OMUSUMBA Ronnie Mabakai owa ETM Church esangibwa ku Salama Road e Makindye ne Holy City e Bwerenga azzeemu okulagula...

Komerera4webuse 220x290

Abaana bazannye okufa kwa Yesu...

Abaana bazannya olugendo lw'okufa kwa Yesu ne beewuunyisa abantu e Masajja