TOP

Essomero lya Kyanjovu e Lwengo lyolekedde okuggalwa

By Musasi wa Bukedde

Added 10th June 2016

Essomero lya Kyanjovu e Lwengo lyolekedde okuggalwa

Bu1 703x422

Ankunda

ABAZADDE, abasomesa n’abakulembeze basattira lwa ssomero eryabasakirwa omulabirizi wa West Buganda okuva mu bazirakisa e Poland okuba nga libuliddwa abayizi. Essomero lino lya Kyanjovu Secondary and Vocational Insitute, lisangibwa mu ggombolola y’e Lwengo mu disitulikiti ey’e Lwengo. Emyaka kati ebiri bukya litandikibwawo.

Lyatandika n’abayizi 250 wabula kati bali 35. Ekyewuunyisa kwe kuba ng’essomero lino lirina linnaalyo erya pulayimale eriri mu bizimbe ebikutte mu mbinabina kyokka nga lyo liweza abayizi 750.

AKULIRA EBYENJIGIRIZA AWERA; Akulira ebyenjigiriza mu Lwengo, Doreen Ankunda yagambye nti si baakuleka abayizi abakyagumidde okulisomeramu kuba kyongera okuserebya omutindo gw’ebyenjigiriza mu Lwengo.

Yagambye nti wadde nga lirina ebizimbe ebirungi, baakutema empenda ku bayizi abalimu balabe we babateeka liggalwe singa alikulira tayongeramu maanyi mu lusoma lwa ttaamu eno.

Omusango yagutadde ku baalisaka abataasooka kutunuulira kitundu mwe balizimbye kuba liri wala n’oluguudo. Lyazimbibwa mu ttale nga kizibu abantu okulitegeera. Era n’asuubiza okukola ebikwekweto ku masomero agatalina bisaanyizo gaggalwe.

Omuwandiisi w’obulabiriza bwa West Buganda, Rev.Can Samuel Mwesigwa yagambye nti omugenzi Bp. Godfrey Makumbi yasaka essomero lino ng’atunuulidde obuzibu abayizi bwe basanga okutindigga eηηendo nga banoonya amasomero ga siniya.

Kino yakikola ng’asinzidde ku ssomero lya Kyanjovu P/S eririraanye, abazadde baleme kukaluubizibwa nga banoonya amasomero ga siniya. Mwesigwa yagambye nti essomero lino lirina ebisaanyizo n’abasomesa abatendeke obulungi.

OMUKULU W’ESSOMERO ANNYONNYODDE

Edward Byamazima yasinzidde mu lukiiko lw’abazadde olwatuuziddwa ku ssomero lino n’abasaba okukolera awamu basobole okuddukanya obulungi essomero lino. Yagambye nti omuyizi, omuzadde n’omusomesa be bakola essomero era bwe bataweerezebwa bulungi kye kivaako essomero okugwa.

Yabasabye okumubuulira obuzibu kwe buvudde abayizi okuliddukamu. Essomero lino lyamalawo obuwumbi 2.8 era nga lyateekebwaamu ebikozesebwa omuli entebe ez’omulembe, ebyalaani, kaabuyonjo ne tanka y’amazzi amayonjo ey’omulembe

More From The Author

Emboozi z’omuwandiisi endala

Emboozi endala

Lab2 220x290

Engeri gy’olina okwewala okuferebwa...

Engeri gy’olina okwewala okuferebwa ku ttaka n’okufi irwa ebyobugagga byo

Hab1 220x290

Taata n’omwana bafudde lumu;Omu...

Taata n’omwana bafudde lumu;Omu bamuziise mu ntaana ya People power omulala mu ya NRM

Kab1 220x290

Dokita eyabuze akwasizza omusawo...

Dokita eyabuze akwasizza omusawo

Broronnie1 220x290

Bro. `Ronnie Mabakai alagudde bannabyabufuzi:...

OMUSUMBA Ronnie Mabakai owa ETM Church esangibwa ku Salama Road e Makindye ne Holy City e Bwerenga azzeemu okulagula...

Komerera4webuse 220x290

Abaana bazannye okufa kwa Yesu...

Abaana bazannya olugendo lw'okufa kwa Yesu ne beewuunyisa abantu e Masajja