TOP

Abagoberezi ba Mukajanga balangiridde ekipya

By Musasi wa Bukedde

Added 25th July 2016

Abagoberezi ba Mukajanga balangiridde ekipya

Muk1 703x422

Abantu nga basoma mmisa ku ntaana ya Mukajanga (mu katono wansi).

ABAGOBEREZI b’omugenzi Mukajanga balangiridde nga bwe wagenda okubeerangawo okusabira omwoyo gwa Mukajanga buli mwezi ku Jemba plaza.

Justine Buwembo omu ku bagoberezi ba Mukajanga abakuukutivu ye yalangiridde bino mu kusabira omwoyo gwa Mukajanga okwategekeddwa ku ntaana ye e Bukalango ku Lwomukaaga omugenzi lwe yawezezza wiiki nnamba bukya aziikibwa.

Buwembo yategeezezza ng’okusaba kwa buli mwezi bwe kugenda okulemberwamu mutabani wa Mukajanga gwe yali alabirira Peter Womiala ng’ono bagenda kumutikkira obusosodooti nga August 13, 2016.

Okusaba kuno kwetabiddwaamu abagoberezi ba Mukajanga be yali asisinkanira ku kizimbe kya Jemba plaza mu Kampala nga kwakulembeddwaamu Fr. Benedict Stephen Obbo ow’obusumba bw’e Tororo.

Obbo yakubirizza abagoberezi bano okubeera obumu okulaba nti omulimu gwa Mukajanga gutwalibwa mu maaso.

Ya yongeddeko nti Mukajanga yali ayagala nnyo abantu ne katonda. “Mukajanga yabonaabona nnyo ng’abuulira enjiri era omulimu gwe tulina okugutwala mu maaso nga mu kiseera kino tuli mu kumusabira katonda asobole okumuwa obulamu obutaggwaawo,” Obbo bwe yategeezezza.

Oluvannyuma abagoberezi bano baasondedde mutabani wa Mukajanga Peter Womiala ssente ezaasobye mu kakadde nga bagamba nti eno y’engeri emu okulaga nti emirimu gya Mukajanga gye yaleka gya kugenda mu maaso.

More From The Author

Emboozi z’omuwandiisi endala

Emboozi endala

Police 220x290

Engeri aba FBI gye beetooloola...

Ensonda zaategeezezza nti ebbanga Kayihura lye yamala ng’akolagana n’aba FBI lyayamba Abamerika okwongera okumutegeera...

Lwaki 220x290

Ensonga lwaki Amerika yasazeewo...

KAYIHURA mu kwanukula ebyasaliddwaawo Amerika yagambye nti yeewuunya okuba nga Amerika evuddeyo kati, mu kiseera...

Aaaaaaabig703422 220x290

Abasse Nagirinya baasooka kutemula...

ABEEBYOKWERINDA bazudde ettemu eddala ery’emirundi ebiri eryasooka okukolebwa akabinja k’abasajja abaakwatiddwa...

Te 220x290

Kyabazinga ajjukizza Gavt. bye...

KYABAZINGA wa Busoga William Gabula Nadiope IV, asabye gavumenti eyanguye omulimu gw’okuddiza Obwakyabazinga ebyayo...

Nyiga1 220x290

Ensi egudde eddalu: Abeebyokwerinda...

TWABADDE tukyewuunya abakulira ekitongole kya ISO okulemesa ababaka ba Palamenti okulambula amakomera ag’ekimpatiira,...