TOP

Gavt. egaanyi okutaasa abagagga abali mu mabanja

By Musasi wa Bukedde

Added 25th July 2016

Gavt. egaanyi okutaasa abagagga abali mu mabanja

Ndu1 703x422

Prime Minister Ruhakana Rugunda

ABAGAGG A bannannyini makampuni ne bizinensi ezitubidde mu mabanja ebyabwe bibi! Gavumenti esazzeewo nti tegenda kubasasulira mabanja gaabwe ge beewola mu bbanka ez’enjawulo wabula egenda kusasula abo bokka abagibanja ssente, bo beesasulira amabanja gaabwe .

Katikkiro wa Uganda, Ruhakana Rugunda yategeezezza nti bannannyini kkampuni ne bizinensi abalina ensimbi ze babanja Gavumenti be bokka abagenda okutunulwamu so ssi abalina amabanja ge beewola mu bbanka ku lwabwe.

Kino kiddiridde abagagga abawerako okuddukira mu Gavumenti ne bassaayo okusaba kwabwe nga baagala banunulwe mu mabanja ge batubiddemu, baleme kufiirwa byabugagga bye baasinga mu bbanka.

Abagagga okuddukira mu Gavumenti kyaddiridde Minisita w’Ebyensimbi, Matia Kasaija okutegeeza bwe yali asoma bajeti y’eggwanga nti ensimbi ezisoba mu buwumbi 1,000 ziteereddwaawo ziyambeko okuggya kkampuni n’abantu ssekinnoomu mu nvuba olwa bizinensi zaabwe ezitatambula.

Pulezidenti Museveni naye yakikkaatiriza nti Gavumenti egenda kuyamba okubbulula kkampuni ne bizinensi ezitubidde mu mabanja kubanga kyali kizuuse nti bbanka ez’Ebyobusuubuzi zaali zibawoledde ssente ku magoba mangi.

Rugunda yannyonnyodde nti kkampuni ne bizinensi ezibanja Gavumenti zokka ze zigenda okusasulirwa amabanja era kino kiggyeemu abagagga bangi abatalina nsimbi ze babanja Gavumenti.

Katikkiro yalagidde abasuubuzi abaawola Gavumenti ebintu ebitali bimu bagende beewandiise mu bitongole gye baabigaba balage n’omuwendo gw’ensimbi ze babanja basasulwe olwo bagende basasule amabanja agababanjibwa bbanka gye beewola ensimbi.

Waliwo ne kkampuni n’abantu ba ssekinoomu ababanja Gavumenti ya South South olw’ebintu bye baagiguza kyokka nga Gavumenti ya Pulezidenti Salva Kiir emaze emyaka egisukka mu ettaano nga tebasasula.

Bannayuganda bassekinnoomu ne kkampuni ez’enjawulo bagambibwa okuba nga babanja Gavumenti ya South Sudan ensimbi ezisoba mu ddoola obukadde 55 ( eza Uganda obuwumbi nga 160). Pulezidenti Museveni yasisinkanye Pulezidenti Salva Kiir ku Lwomukaaga era kigambibwa nti ensonga ya Bannayuganda ababanja yayogeddwaako

More From The Author

Emboozi z’omuwandiisi endala

Emboozi endala

BUKEDDE W’OLWOMUKAAGA YAFULUMYE...

Tukulaze ebiri mu bubaka bwa Kabaka obwa Paasika, bw’avuddeyo ku balina obuyinza abasengula abantu ku ttaka.

Siiba 220x290

Abeekalakaasi e Sudan balaze Gav't...

Abeekalakaasi e Sudan balaze Gav't gye baagala

Langa 220x290

Baganda ba Bashir nabo babakutte...

Bannamagye abaawambye obuyinza e Sudan bakutte baganda ba Omar al-Bashir babiri abagambibwa nti b’abadde akozesa...

Namirembe1omulabiriziluwalirakityongakulembeddeabakrisitaayookutambuzakkubolyamusalabaa 220x290

Tekinologiya aleme kubeerabiza...

Tekinologiya aleme kubeerabiza Katonda - Bp. Kityo Luwalira

Katwe5 220x290

Dokita w’eddwaaliro lya IHK talabikako...

DOKITA mu ddwaaliro lya International Hospital Kampala (IHK) abuze mu ngeri etategeerekeka ekivuddeko akasattiro...