TOP

EBIBUUZO KU BIDDUKA

By Musasi Wa

Added 27th September 2012

Lwaki makanika wa mmotoka takanika pikipiki?

2012 9largeimg227 sep 2012 084406157 703x422

EBIBUUZO KU BIDDUKA


Lwaki makanika wa mmotoka takanika pikipiki? Baguma Fort Portal (0782669039)

Bamakanika bano baba banjawulo, era ne bwe kuba kusoma basoma ebintu bya njawulo, naye waliwo abasobola okuyiga byombi naddala abo abayigira mu galagi asobola okuba nga yasooka kukanika pikipiki n'oluvannyuma n'adda ku mmotoka.

Lwaki mmotoka yange Corona 190 otomatiki esimbula nnafu nnyo, yafa ki? (0782575655) e Masindi.

Kisoboka okuba nga erina sswiiki enfu, bwe kitaba ekyo nga nnamba emu bukulaaci bwayo bwaggwaako, ng'esimbulira mu nnamba bbiri ennafu.

Lwaki mmotoka mu kyalo bazooka kuziyiwamu mafuta, ate ne bagatta waya okwaka? Tekirina bulabe ku abazitambuliramu? (0773732705) e Gayaza.

Mmotoka ezo ziba za kabyuleeta, kyokka nga yafa tekyasobola kukuuma mafuta ky’ova olaba nga baziteekamu amafuta mu maaso.

Okugatta waya kitegeeza nti sswiiki egikoleeza ng’okozesa ekisumuluzo nayo yafa.

Kisobola okuba eky'obulabe kuba eyinza okugatta waya ng'ovuga mmotoka n'ekwata omuliro.

Mmotoka yange yagwa mu mwala n’emalamu ennaku bbiri, naye ng’enda okugigyamu nga yonna ekaaba. Nkole ntya? Otyeno e Kapochorwa (0755533051)

Amazzi gaagikulukutiramu yonna ne gaginaazaamu giriisi ky’eva ekaaba. Sooka ogitwale ku lupiira bagyoze yonna n’oluvannyuma ogitwale bagikube sipule ne giriisi ejja kutereera.

Eggaali eziriko yingini zikyaliyo? Ye bagitunda mmeka? Rugigano e Ngoma (0754098816)

Obugaali obwo bukyaliyo, naye bbeeyi yaabwo esinziira ku kika n’amaanyi ga yingini gy’oba oyagala, naye buli wakati w’emitwalo 70 n’akakadde.


IPSUM yange ebadde ekutula nnyo Z, naye makanika yaziggyamu zombie n'omutayimbwa gw'omu maaso n’esigalirawo. Tekirina buzibu? Rashid e Kigali (0772618117)

Emmotoka ejja kuba tekyatereera bulungi ku kkubo, olwo ng'ovuga pembeeni oba okugwa akataka kiba kyangu mmotoka okugwa ekigwo.

Nina mmotoka yange 190, naye waggulu ku kisaanikira kya yingini okubeera pulaaga yatandika okufulumya woyiro mu misumaali ena? Kiva ku ki? Lubwama e Namugongo (0772494420)

Munda w'emisumaali egyo gy'oyogerako waliyo ssiiru ezikwata woyiro obutagenda mu pulaaga. Ssiiru ezo zaakakanyala, tezikyakwata woyiro ky’ova olaba ng'afulumira mu misumaali.

Mmotoka Premio bwe mba nvuga yeekwata ate n'eta. Kiva ku ki? (0771864263)

Mmotoka yeetaaga okukebera pulaaga, waya za 'High Tension Cable' okwo kw’ossa ne sensa zaayo kwandiba nga kwe kuli obuzibu obuvaako mmotoka yo okwesiba.

Biddiddwaamu; Titus Muteesasira owa Good Way Auto Garage e Mulago ku lw’e Gayaza. Alina ekibuuzo kiweereze ku 0782006608 oba kuba 0752/0776698576

 

EBIBUUZO KU BIDDUKA

More From The Author

Emboozi z’omuwandiisi endala

Emboozi endala

Sharifah1 220x290

Sharifah Kateete waakuvuga ddigi...

Wadde ng'olutalo ku ngule ya MX125 luli wakati wa Wazir Omar ne Fortune Ssentamu, Sharifah Kateete alayidde okubalaga...

Kasozi 220x290

Owa KCCA yeesunga kukaabya URA...

Oluvannyuma lwa Allan Okello, Charles Lukwago ne Nicholas Kasozi okukomawo, Mike Mutebi mugumu nti bagenda kulabya...

Ssengalogo 220x290

Ssenga nsobola okuloga omulenzi...

Mpulira bagamba osobola okuloga omusajja n’akwagala. Ggwe olina ku ddagala ssenga.

Ssengalogo 220x290

Mukazi wange alabika yayenda n’azaala...

Nnina abakyala babiri, mukyala muto ali mu kyalo naye kati omukyala oyo alabika ayenda era yazaala omwana mulenzi....

Ssengalogo 220x290

Emyezi ebiri sigenda mu nsonga...

Nneegatta oluvannyuma ne ngenda mu kalwaliro ne ngula empeke okwetangira okufuna olubuto naye kati mmaze emyezi...