TOP
  • Home
  • Emboozi
  • Baasi za KKT zikiriziddwa okuddamu okusaabaza abantu

Baasi za KKT zikiriziddwa okuddamu okusaabaza abantu

By Musasi Wa

Added 5th December 2012

BADDEREEVA 10 aba kkampuni ya Baasi eya KK Traveler, baakuddamu okugezesebwa oluvannyuma lw’okugwa okugezesebwa okwasoose.

2012 12largeimg205 dec 2012 163141000 703x422

BYA HERBERT MUSOKE


BADDEREEVA 10 aba kkampuni ya Baasi eya KK Traveler, baakuddamu okugezesebwa oluvannyuma lw’okugwa okugezesebwa okwasoose.

Patrick Alioni omwagezi wa kkampuni ya KK Traveler yagambye nti ku baddereeva 26 be babalina , 16 bokka beebaayise ebigezo bya poliisi y’ebidduka e Nagulu.

Bbaasi za kkampuni eno zaayimirizibwa nga November, 17,2012 oluvannyuma lwa baasi yaayo okukola akabenje mu disitulikiti y’e Koboko bwe yatomera enjovu n’etta 10 n’abalala 40 ne bafuna ebisago eby’amaanyi.

Nga bbaasi za kkampuni eno tezinakkirizibwa kuddamu kukola, ba ddereeva bonna baasoose okuddamu okugezesebwa kyokka 10, bagwa.
Kharim Kibuuka, akulira eby’okugezesa ba ddereeva yagambye nti ba ddereeva abaagudde nga tebanakkirizibwa okuddamu kuvuga bbaasi yonna balina okuddamu okugezesebwa.

Akulira ekitongole kya poliisi y’ebidduka, Steven Kasiima, gye buvuddeko yagamba nti poliisi egenda kutandika okusaza mu pamiti za ba ddereeva abavaako obubenje obw’amaanyi.

Afande Kasiima yategeezza nti poliisi ng’ekolagana n’ekitongole ekigezesa ba ddereeva n’ebidduka baakuddamu okugezesa ba ddereeva ba kkampuni ya KKT naddala abo abakoze obubenje.

Mu ngeri y’emu Mw. Kasiima agamba nti bagenda kukola ebikweekweeto wamu n’okusala amagezi okulaba ng’obubenje tebubeera ku nguudo naddala mu biseera by’ennaku enkulu bino ebisemberedde.

Baasi za KKT zikiriziddwa okuddamu okusaabaza abantu

More From The Author

Emboozi z’omuwandiisi endala

Emboozi endala

Joycenakiryannamwanduwakasoziabaanabeyazaalagwebagobawebuse 220x290

Abaana bagobye nnyaabwe mu maka...

Abaana bafuuyidde ebirime bya nnyaabwe n'okumugoba awaka okutuusa ng'abawadde ekyapa kya kitaabwe

Kazimba8webuse 220x290

Ssaabalabirizi omulonde Dr. Stephen...

Ssaabalabirizi omulonde, Dr. Stephen Kazimba asuubizza okusigala ng'assa ekitiibwa mu Bwakabaka bwa Buganda

Embuutu1 220x290

Ekivvulu ky’Embuutu y’Embuutikizi...

Buli ayingira mu Mbuutu y’Embuutikizi ajja kuvaayo n’ebirabo.

Kapyata1 220x290

Baminisita b’e Mmengo babayiyeemu...

BAMINISITA ba Kabaka baayiriddwaamu emmotoka ensajja okubanguyiza emirimu gy'Obwakabaka. Kyategeezeddwa nti emmotoka...

Hoima 220x290

Amasasi ne ttiyaggaasi binyoose...

POLIISI yakubye amasasi ne ttiyaggaasi okugumbulula abawagizi ba Asinansi Nyakato avuganya mu kalulu ku kifo ky’omubaka...