TOP

Emmotoka ezikwamidde ku mwalo e Mombasa zibatabudde

By Samuel Balagadde

Added 21st February 2019

MMOTOKA za Bannayuganda ezigwa mu ttuluba ly’ezo ezaawerebwa obutaddamu kuyingira mu ggwanga eziri ku mwalo gw’e Mombasa mu Kenya buli lukya zeeyongera bungi wabula ng' ekitongole ky’omusolo mu ggwanga ekya URA, minisitule y’obusuubuzi n’amakolero ssaako n’abasuubuzi baazo bakyalemeddwa okutuuka ku kukkaanya ku kiki ekigenda okukolebwa.

Baka 703x422

Stephen Magera omumyuka wa kamisona mu URA.

Abasuubuzi bagamba nti mmotoka ezisukka mu 1,000 zikwamidde ku mwalo e Mombasa ng’abamu ku bannanyini zo essuubi erizinunula lyabaggwaamu olwa ssente kati ezibanjibwa omwalo guno kuba bw’ozisasula oba tolina ky’ofunamu.

Francis Kanakulya, omwogezi w’ekibiina ekigatta abasuubuzi ba mmotoka mu ggwanga ekya Associated Motor Dealers -2015 (AMD) agamba nti omu ku basuubuzi bannakibiina aweza mmotoka 45 ezize ng’omuntu ezaakwatibwa e Mombasa wabula ng’enteeseganya zonna wakati wa URA ne minisitule y’obusuubuzi tezinnavaamu kiramu.

Mmotoka za Bannayuganda nnyingi ng'ezimu zaali tezinnayingizibwa ku mikutu gya URA ogw'ebyempuliziganya zikwamidde ku mwalo guno ng'abamu ssente ezibabanjibwa zeetumye nga kati zisinga ne ssente ze basuubira okuzitunda," Kanakulya bwe yagambye.

Yagasseeko nti wadde nga mmotoka za buyonjo ezisussa emyaka 15 bukya zikolebwa zaawerebwa obutaddamu kuyingizibwa mu ggwanga okuva nga 1 October omwaka oguwedde, waaliwo okukeerewa kw’emmeeri okwatikkibwa mmotoka zino ne zitatuukira mu budde bwali bukkaanyiziddwaako.

Wabula Stephen Magera omumyuka wa kamisona mu URA avunaanyizibwa ku mirimu gy’obusuubuzi yagambye nti obuzibu bwa mmotoka ezaakwatibwa ku mwalo e Mombasa babumanyi era bagezaako okubusalira amagezi.

 

More From The Author

Emboozi z’omuwandiisi endala

Emboozi endala

Rob12 220x290

Abavubi ku mwalo gw'e Kawunge bataddewo...

Abavubi ku mwalo gw'e Kawunge bataddewo embeera y'okulwanyisa COVID-19

Dav1 220x290

Mukyala w'omuyimbi Davido akwatiddwa...

Mukyala w'omuyimbi Davido akwatiddwa ekirwadde kya Coronavirus

Thequeeneliabethiienglandcrowntodaynewslatestroyalfamily1180775 220x290

Kkwiini akkakkanyizza emitima gy'abantu...

Kkwiini akkakkanyizza emitima gy'abantu

Uhurukenyatta 220x290

Coronavirus: Kenyatta asaze omusolo...

Pulezidenti wa Kenya, Uhuru Kenyatta alangiridde nga bw’asaze emisolo mu kaweefube w’okuyamba Bannakenya mu mbeera...

1175942533jpg0 220x290

Coronavirus: Amerika ewadde bannansi...

AMERIKA ewadde bannansi baayo bamufunampola buli omu ddoola 1,200/-, ze ssente eza Uganda obukadde 4 n’ekitundu...