TOP

Ebivaako enjawulo mu ngeri mmotoka gye zinywa amafuta

By Samuel Balagadde

Added 6th December 2018

EKIKA kya mmotoka kye kimu, yingini y’emu wabula amafuta aganywebwa ku lugendo lwe lumu ogenda n’osanga nga gaawukana ekisukkiridde.

Mpaako 703x422

Omudumu omunene nagwo gukosa obungi bw’amafuta mmotoka bw’enywa.

Okuva mu Kampala okugenda e Masaka n'okudda mmotoka emu esobola okunywa amafuta ga ssente 80,000 endala ga 100,000/- oluusi n'okusingawo ate ng’ekika kye kimu.

Enjawukana mu nnywa y’amafuta mu bidduka eva ku bintu eby'enjawulo ebisinga nga byetooloolera ku bulamu bwayo n'envuga ya ddereeva.

Joseph Mutumba makanika wa mmotoka e Katwe mu Kampala agamba nti, yingini ya mmotoka gy’ekoma okubeera enfu oba ng'eruddewo okukolebwa saaviisi nga woyiro tatambula bulungi kino kigivaako okunywa amafuta agasukkiridde kw’ago ge yandinywedde.

Mu mbeera y’emu pulaaga za yingini bwe ziba nga zinafuye nga tezookya bulungi mafuta agaba gagenda mu mmotoka nakyo kivaako mmotoka okupipira oluusi n'okufulumya ekikka emebega kiba kitegeeza nti mmotoka eyo anyway nnyo.

Ate ne ‘ggiyabookisi bw’eba tekyusa ggiya bulungi nga bwe zirina okutambula naddala mu mmotoka eza ‘otomatiki’ kino kiba kitegeeza nti erina okunywa amafuta mangi kuba eremera mu ggiya ez'amaanyi ne we kitandyetaagisizza.

Envuga ya ddereeva omuli abayiga ng'alwawo okukyusa ggiya n'alemera mu ggiya nnene ate ebiseera ebimu n'alinnya omuliro ogwamaanyi wadde tekyetaagisa amafutaa gagenda mangi ddaala.

Ye Gilbert Assi akulira kkampuni y'amafuta eya Shell era nga mukugu mu by'amafuta agamba nti buli mmotoka lw’eteekebwamu amafuta amakyamu kiba kitegeeza nti gagenda kugootaanya ebyuma byayo naddala kumpyuta egatambuza n'ekiddira kwe kugawuuta obuwuusi.

Ayongerako nti, woyiro wa yingini ssaako n'owa ggiyabookisi biteekwa okuba nga bya mutindo okusobozesa mmotoka okutambula nga yeetadde nga ne ggiya zikyuka buli lwe kyetaagisa naddala kw’ezo eza otomatiki.

EBIRALA EBIVAAKO OKUNYWA NNYO

  • Obucaafu bw'ekyangwe ekisengejja empewo eyingira mu yingini nabwo bukosa entambula ya mmotoka n’obungi bw’amafuta g’erina okunywa.
  • Mmotoka okugitikka ekiyitiriddde kino kitegeeza nti yingini ekozesa amaanyi maangi mu lukinnya obusozi oba mu ntambula yaayo yonna wadde terinnya kasozi.
  • Emisinde egiyitiridde nga mulimu n'okulinnya omuliro gwa mmotoka n'amaanyi mu kusimbula nga buli mmotoka bw’esukka emisinde egya kkirommita 60 buli ssaawa kiba kitegeeza nti erina okunywa ku mafuta.
  • Mmotoka okugissaako empewa ya AC kiba kitegeeza nti, yingini yaayo eba eyongeramu ku maanyi g’ekozesa ng'etambula n’amafuta gaba galina okweyongerako.
  • Ezimu ku yingini za mmotoka ziba nnene okusinga kuzinnaazo nga kitegeeza nti ez’amaanyi zirina okunywa ku mafuta agawerako okusinga ku za yingini entono.

More From The Author

Emboozi z’omuwandiisi endala

Emboozi endala

Kanta 220x290

‘Muntaase ku baana bange abanzibako...

OMUKADDE ow’emyaka 93 atabuse n’abaana be ng’abalumiriza okubeera mu kkobaane erimugoba ku ttaka lye balyeddize....

Bonnyjpgweb 220x290

Abadde ayanula engoye z'abatuuze...

Bonny Tamale omutuuze w'oku Kalerwe Kiggundu Zooni y'asimattuse okuttibwa abatuuze b'e Bwaise oluvannyuma lw’okumusanga...

Agende 220x290

Kkooti egobye egimu ku misango...

KKOOTI y’e Nakawa egobye omusango gw’obuyeekera ogwali gwaggulwa ku basajja 14 abagam- bibwa nti beenyigira mu...

Kola 220x290

Boofiisa ba poliisi Muhangi ne...

EYALI akulira ekitongole kya Flying Squad, Herbert Muhangi abadde amaze emyaka ebiri mu kkomera ng’avunaanibwa...

Na 220x290

‘Mukebere nnamba z’essimu okuzuula...

AKAKIIKO akavunaanyizibwa ku by’empuliziganya mu ggwanga aka Uganda Communication Commission (UCC) kalagidde abakozesa...