TOP

KCCA emenye akatale k’e Wandegeya

By Musasi Wa

Added 3rd October 2011

ABASUUBUZI b’e Wandegeya basigadde mu bbanga KCCA bw’ezinze n’emenya akatale kaabwe mu ntegeka y’okubazimbira akapya era bangi ku babadde bakakoleramu basengukidde mu kibangirizi ekitunudde ku nkulungo y’e Mulago.

2011 10largeimg203 oct 2011 013531507 703x422

Bya HANNINGTON NKALUBO


ABASUUBUZI b’e Wandegeya basigadde mu bbanga KCCA bw’ezinze n’emenya akatale kaabwe mu ntegeka y’okubazimbira akapya era bangi ku babadde bakakoleramu basengukidde mu kibangirizi ekitunudde ku nkulungo y’e Mulago.

Bangi ku basuubuzi abasangiddwa nga bategula ebintu ebibadde bisigaddemu baagambye nti wadde tebaweereddwa budde bumala naye bakisanyukidde kubanga akatale kabadde kakaddiye nnyo.

“Ffenna tusenguse ne tugenda mu maaso g’enkulungo y’eddwaaliro ly’e Mulago era tusaba Gavumenti eyanguye tusobole okuddawo,” ssentebe w’abasuubuzi, Mawejje Muteesaasira bwe yagambye.

Akatale konna ng’ogasseeko n’ekifo awabadde wookerwa enkoko ekya Bermuda byaweddewo. Ttulakita ne bakanyama abaapangisiddwa okuyamba ku baserikale ba KCCA be baamenye akatale ne Bermuda awatali kusanga buzibu wadde abamu baabadde balowooza nti abasuubuzi bagenda kwegugunga.

Mawejje yagambye nti Gavumenti erudde ng’ebasuubiza okubazimbira akatale ak’omulembe ka buwumbi 21 era tebasobola kugisimbira kkuuli.

Akulira entegeka y’okuzimba obutale mu KCCA, Margaret Ssemwanga Azuba yagambye nti okuzimba kugenda kutwala emyaka ebiri.

‘Tubadde tukolera wakyafu’

Omusuubuzi Florence Kitakule: KCCA yatuwa obudde obumala okwamuka akatale era ffe okumenya kwasanze twasenguse dda ne tugenda e Mulago ku nkulungo nga bwe tulinda Gavumenti etuzimbire akapya.

Margaret Ssanyu: Entegeka y’okutusengula yabadde nnungi era nneebaza abadde ssentebe waffe Mw. Gitta okutufunira ekifo e Mulago we twasengukidde.

Omusuubuzi Charles Kasajja: Ssirina kye nneemulugunya kyonna kubanga twategeezebwa mu budde okuggyako nsaba Gavumenti eyanguye okuzimba.

Joseph Mulahi; abadde akolera mu kifo ky’e Mulago, abasuubuzi gye baasengulidde: Abasuubuzi ababadde mu katale k’e Wandegeya babamaliddewo ekifo.

Eseza Namuleme: Gavumenti yatuwa obudde obumala okusenguka era tuli basanyufu okuvaayo etuzimbire akatale akapya okusinga akakadde akabadde ganyegenya.

Ssentebe w’abasuubuzi, Mawejje Muteesaasira: Abasuubuzi twabawa obudde obumala okusenguka era eyeemulugunya aba alimba. Tubadde tukolera mu kifo ekikyafu ate ng’akatale kakadde nnyo era tuli basanyufu.

KCCA emenye akatale k’e Wandegeya

More From The Author

Emboozi z’omuwandiisi endala

Emboozi endala

Condomismaelssempumatestimonywebuse 220x290

Enkozesa ya kondomu eneekutangira...

Okwesunga akaboozi ekisusse kiremesezza bangi okukozesa kondomu

Kab2 220x290

Leero mu mboozi z'omukenkufu tukulaze...

Leero mu mboozi z'omukenkufu tukulaze engeri butto w'obusigo bw'amapaapaali gy'akola ku maaso n'embuto ez'esiba...

Kig1 220x290

Akatabo ka Ham kawangudde engule...

Akatabo ka Ham kawangudde engule ey'okubiri

Kabaleeweb 220x290

Kabale Sharp bagikubye ne yeekwasa...

Kabale Sharp eya Big League, ewangudde Water FC, n'esannyalaza emikisa gyayo okwesogga liigi ya babinywera

Hajjathanifakawooya 220x290

Kkooti y'e Sembabule terina kaabuyonjo...

OMUBAKA omukazi owa disitulikiti y’e Sembabule, Hanifa Kawooya, asabye gavumenti okuzimba ekizimbe kya kkooti y’e...