TOP

Omuyizi yeeyokezza n’afa lwa kumukyawa

By Musasi Wa

Added 19th November 2010

Baliraanwa abaabadde bawummuddeko oluvannyuma lw’amalya g’ekyemisana be baalabye erikka nga littunka okutuuka ku muzigo nga yeesibiddemu. Abaduukirize nga bakulemberwa aba LC baamenye oluggi ne baggyamu Asimwe ng’ataawa.

Asimwe eyayidde omubiri gwonna gwayubuseeko eddiba era ng’a

Baliraanwa abaabadde bawummuddeko oluvannyuma lw’amalya g’ekyemisana be baalabye erikka nga littunka okutuuka ku muzigo nga yeesibiddemu. Abaduukirize nga bakulemberwa aba LC baamenye oluggi ne baggyamu Asimwe ng’ataawa.

Asimwe eyayidde omubiri gwonna gwayubuseeko eddiba era ng’ayogera ng’olulimi terusituka bulungi n’ategeeza nti amafuta ye yagaguze n’akoleeza omuliro wabula bwe yalabye olubabu lumutta kwe kuleekaana.

“Nze Hilder Asimwe nsomera ku MBI nnina mwannyinaze ku Yunivasite e Makerere ye Geofrey Isingoma ebisingawo ajja kubibabuulira batuzaala Hoima,” Asimwe bwe yategeezezza ng’ataawa n’alekera awo okwogera.

Bamusitulidde ku mufaliso gwe ogwabadde guwonyewo okumuteeka ku kabangali ya poliisi ne bamutwala mu ddwaaliro e Mulago gye yafiiridde ku Lwokutaano ku makya. Jane Nakaju ow’oku muliraano yategeezezza nti embeera za Asimwe zibadde zikyuse ennaku zino wabula nga tababuulira naye nga bawulira mu lugambo nti yafuna olubuto ate omulenzi n’amwefuulira kale abadde agamba nti talina bw’anadda waabwe ng’ali lubuto ate ng’emisomo egyamuleeta tannaba kugimaliriza.

Abamu babadde bagamba nti eggulolimu Asimwe yasoose kwagala kumira mpeke eza piriton nga nnyingi ne bazimugaana. Owebyokwerinda mu kitundu, Godfrey Kasule yategeezezza nti omuwala abadde tamumanyi ng’alabika mupya mu kitundu kyokka abadde talina kibi ky’amanyi ku bapangisa ku nju za Joseph Tanga  kw’abadde apangisa.

“Asimwe yabadde yeesibiddemu ng’omuliro gwaka nnyo oluggi ne tulumenya ne tuyiwamu ettaka okuzikiza omuliro omuwala ne tumuggyamu ng’ayidde olususu lwonna,” Kasule bwe yannyonnyodde.

Kyokka oluvannyuma kyazuuliddwa nti Isingoma gwe yabadde ayogeddeko nga mmwanyina ye muganziwe era Poliisi yamukutte nga kati akuumirwa y’e Nakulabye.
 
 
Â

Omuyizi yeeyokezza n’afa lwa kumukyawa

More From The Author

Emboozi z’omuwandiisi endala

Emboozi endala

Kabuzi1 220x290

Uganda ekubye Malawi 2-0 n'ewaga...

MU Mupiira, waliwo enjogera egamba nti tewali buwanguzi bubi, wabula waliwo bw’otuuka ekiseera ng’olina okutunuulira...

Gendako 220x290

Engeri okwanjula kwa Hamza gye...

Ebika bibiri eky’Endiga n’Ekyolugave Rema mw’azaalwa byali tebimanyiganye era nga tebasisinkanangako.

Bwama 220x290

Rema annyonnyodde by'ayiseemu ng'anoonya...

Rema yabattottolera obuzibu bwe yayitamu ng’anoonya ekika kye. Nti olumu Rema yasisinkana Ssenga we Nabatanzi ku...

Laga 220x290

Rema yasoose kukolebwako mikolo...

E Kyengera mu wiiki eddirira emikolo, Rema yasoose kukolebwako mikolo gya buwangwa okwanjula Hamza, Rema yali ne...

Buuza 220x290

Embaga ya Rema eriko ebibuuza

Kirumira yagasseeko nti ennaku z’omwezi baakuzitegeeza abantu mu kiseera ekituufu; n’annyonnyola nti enteekateeka...