TOP

Bannamwandu ba Maiso owa Eagles bakyesomba

By Musasi Wa

Added 13th February 2012

OMUYIMBI Fred Maiso eyayimba “Ekimuli kya Rosa” afudde ng’alese abaana 8 nga bannamwandu bakategeerako bataano.

2012 2largeimg214 feb 2012 072220693 703x422

Bya Joseph Mutebi

OMUYIMBI Fred Maiso eyayimba “Ekimuli kya Rosa” afudde ng’alese abaana 8 nga bannamwandu bakategeerako bataano.

Maiso yafudde ku ssaawa nga 9:00 ogw’emisana ku Mmande  oluvannyuma lw’okumala ennaku bbiri ng’afunye amawulire nti munywanyi we Ephraim Kiyingi (Kadoma) gwe bali naye mu ddwaaliro lya Mirembe Clinic e Najjanankumbi yafudde.

Omugenzi Maiso yatwalibwa mu ddwaaliro n’akuulibwamu amannyo asatu omulundi gumu era wano kigambibwa we waatandikira obulwadde ekyawaliriza ababadde bamujjanjaba okumutwala mu ddwaaliro lya Mirembe gy’afiiridde.   

Mwannyina wa Maiso Sarah Kalukusu abadde ajjanjaba omulwadde yategeezezza Bukedde nti mwannyina    obulwadde bwamweyongedde ku Lwamukaaga oluvannyuma lw’omu ku mikwano gye okumunyumiza nti Kadoma gwe baali baasooka okuwa bombi ebitanda ku Mirembe Clinic  yabadde afudde ekyamukubye ewala.


Ssemakula ne mulekwa Derrick Maiso (ku kkono). Ekif: Joseph Mutebi

Embeera ye yatabuse bayimbi banne aba ‘Eagles’ ne bamutwalako ne mu ddwaaliro ly’e Namirembe gye bamuggye okumukomyawo ku Mirembe e Nnajjanankumbi we yafiiridde ssaawa 9:00 ogw’emisana eggulo.

Kalukusu agamba nti Maiso abadde akola gwa kumulaga baana wabula ng’abakazi babazaalamu tabamulaga.

Omulambo gwasuze ku National Theatre. Mesach Ssemakula  yategeezezza nti Maiso waakuziikibwa Petete mu disitulikiti y’e Pallisa leero essaawa 10.

Eby’okuziika byonna bigenda kukolebwako aba Uganda Funeral Services.

Bamulekwa Stella Maiso ne Derrick Maiso be babaddewo kitaabwe ng’afa.

 

Maiso owa Eagle Production afudde

More From The Author

Emboozi z’omuwandiisi endala

Emboozi endala

Omwanangasenaamazzikuluzziwebusemwana 220x290

Ab'e Birinzi balindiridde kulwala...

Kaabuyonjo ze tusima mu musenyu okw'enkuba zibooga kazambi n'ajjula enju zaffe

Img20180823wa0018 220x290

Bobi Wine addizza Poliisi omuliro...

OMUBAKA Robert Kyagulanyi amanyiddwa nga ‘Bobi Wine’ addizza poliisi omuliro ku ky’okugaana abawagizi be okuyisa...

Lampholders3webusenew 220x290

Omulimu gwe nasomerera mwe nayiiyiza...

Nakolerera okuva mu kukozesebwa era mu myaka ena nnali nneekozesa ku mulimu gwe nasomerera.

Funayo1 220x290

Leero mu mboozi z'Omukenkufu tukulaze...

WIIKI ewedde nawandiise ku birime by’osobola okulima n’ofunamu ssente mu nkuba eno etonnya. Ekimu ku bye nakonyeeko...

Wereza 220x290

‘Abakyala mukomye okwetonaatona...

AKULIRA ekibiina ky’abakyala abafumbo mu bulabirizi bwe Namirembe ekya Mother’s Union, Josephine Kasaato akuutidde...