TOP
  • Home
  • Amawulire
  • Eyabbye amayuuni agende alye enkoko ye! Ayise ku lugwanyu okufa

Eyabbye amayuuni agende alye enkoko ye! Ayise ku lugwanyu okufa

By Musasi Wa

Added 5th November 2012

OMUSAJJA gwe baakwatidde mu musiri gw’amayuuni g’oku Klezia y’Abakatoliki e Kyamula-Salaama, abatuuze baamugudde ekiyiifuyiifu omugole ky’agwa ku ncaaca za bba ne bamukuba emiggo katono bamumize omusu.

2012 11largeimg205 nov 2012 085204550 703x422

Bya Henry Ssennyondo

OMUSAJJA gwe baakwatidde mu musiri gw’amayuuni g’oku Klezia y’Abakatoliki e Kyamula-Salaama, abatuuze baamugudde ekiyiifuyiifu omugole ky’agwa ku ncaaca za bba ne bamukuba emiggo katono bamumize omusu.

Poliisi y’e Salaama okwabadde ofiisa (C/ASP) Rebecca Ayet, (AIP) Musinguzi be baataasizza Ismail Ssekyanzi okuttibwa mu kiro ekyakeesezza Olwomukaaga. Baamukubye ne bamutuusaako embale ku mutwe n'ebitundu by'omubiri n'atonya omusaayi.

Amayuuni agaabadde gamussa, yabadde agasima mu lutobazi oluli ku Klezia ya St. Ponsiano e Kyamula. Yabadde n’akakutiya omw’okugassa ng’alina n’ekitereje ky’enjaga ey’obusigo eweramu kiro nga ssatu.

Bwe yabuuzizza gye yabadde agatwala, Ssekyanzi yagambye nti alina bakaasitoma be ewa Kuleekaana kulw’e Salaama gy’abaddenga agatwala nga bamusasulirawo ssente.

“Bakaasitoma bange babadde baagala nnyo amayuuni ng’ate okugatuusa bampeerawo ssente tebandwisa” Ssekyanzi bwe yategeezezza mu maaso g’abasirikale ba poliisi e Salaama.

Ow’ebyokwerinda mu Ttakajjunge-Kyamula, Stephen Kafeero yategeezezza nti zaabadde ssaawa nga 11:00 ez’ekiro obudde nga bunaatera okusasaana we baakwatidde Ssekyanzi n’enkumbi n’amayuuni bye yatwaliddwa nabyo ku poliisi ng’ebizibiti.

Eyabbye amayuuni agende alye enkoko ye! Ayise ku lugwanyu okufa

More From The Author

Emboozi z’omuwandiisi endala

Emboozi endala

Kot1 220x290

Eyali omubaka wa Lwengo mu palamenti...

Eyali omubaka wa Lwengo mu palamenti Getrude Nakabira afudde

Faz1 220x290

Ssabasumba asindise bafaaza 8 mu...

Ssabasumba asindise bafaaza 8 mu luwummula n'akomyawo faaza Musaala

Lip2 220x290

Mungobye ku kyalo naye nja kufa...

Mungobye ku kyalo naye nja kufa n’omuntu

Sit14 220x290

Polof. Nawangwe ataddewo akakiiko...

Polof. Nawangwe ataddewo akakiiko ku mivuyo gya gawuni e Makerere

Tip25 220x290

‘Temunkuba obwavu bwe bunkoza kino...

‘Temunkuba obwavu bwe bunkoza kino