TOP
  • Home
  • Amawulire
  • Dr Tee atabuse: Betty Mpologoma amugasseeko omukazi omulala

Dr Tee atabuse: Betty Mpologoma amugasseeko omukazi omulala

By Musasi Wa

Added 22nd January 2013

OMUYIMBI Dr. Tee ng’amannya ge amatuufu ye Trevis Kazibwe atabuse ne mukyalawe ‘Nkubakyeyo’ eyaakamwanjula oluvannyuma lw’omukazi okukizuula nti ate alinayo omuwala omulala gwe yazaddemu abaana babiri.

2013 1largeimg222 jan 2013 080447323 703x422

Bya MEDDIE MUSISI

OMUYIMBI Dr. Tee ng’amannya ge amatuufu ye Trevis Kazibwe atabuse ne mukyalawe ‘Nkubakyeyo’ eyaakamwanjula oluvannyuma lw’omukazi okukizuula nti ate alinayo omuwala omulala gwe yazaddemu abaana babiri.

Maraine Bashabire omutuuze w’e Bungereza ye yatabuse ne bba (Dr. Tee) oluvannyuma lw’okukitegeera nti alina omukazi omulala ayitibwa Grace Malaika gw’aludde ng’apepeya naye era nga mu kiseera kino balina abaana babiri okuli omulenzi gwe yabbulamu amannya ge Devine Trevis Kazibwe aweza emyaka ebiri ate nga ge gamu ge yatuuma n’omulenzi omukulu owa Bashabire ssaako n’omuwala gwe yatuuma Sonnie Kazibwe.

Omu ku mikwano gya Dr. Tee yategeezezza nti, omuwala Malaika aludde nga yeewaanira ku Bashabire ng’amukubira amasimu n’okumuwandiikira obubaka ku mukuttu gwa Facebook okuva lwe yalaba okwanjula kwabwe mu Bukedde okwabaddewo mu October w’omwaka oguwedde.

Bashabire n'abaana baabwe ne Dr Tee

Yatutegeezezza nti Malaika olwalaba ebifaanannyi by’okwanjula n’ava mu mbeera n’ayombesa Dr. Tee olw’okumulekawo n’ayanjula omukazi omulala era okuva olwo yatandika okuteeka ebifaanannyi bye ng’ali ne Dr. Tee ku Facebook mu ngeri ey’okulumya muggyawe, Bashabire.

Obubaka Malaika bw’aweereza

Mu bumu ku bubaka bwe yateese ku mukutu guno ng’awandiikira muggyawe, Bashabire yamutegeezezza nti “Akusuubiza nsi, ate nze ansuubiza Ggulu….to my co-wife… I luv you darling..,” .

“I need your prayers oba wuwo, lwaki nze anjagala nnyo….lwaki bwe nvaawo akaaba?

Dr. Tee ne Bashabire.

“Ebyo eby’embaga gye yakusuubiza bya kiwaani kubanga nze yaginsuubiza dda”

Bashabire olwategedde ku ky’abaana, yalinnyiddewo ennyonyi era olwatuuse yagaanyi okugenda mu maka gaabwe ne Dr. Tee n’asalawo kusula mu wooteeri.

Ebirala ku Dr Tee......

Ensonda zaategeezezza nti oluyombo lwa Malaika ne Bashabire ku Facebook lututte akabanga nti era Bashabire yakubirako mukwano gwe, Robina Bisirikirwa n’amubuulira ku ky’omukazi ono Grace Malaika amuvuma.

Olwakwagala okwongera okulumya Bashabire omutwe, Malaika yaddidde ebifannanyi by’abaana be n’ebya Dr. Tee n’abiyiwa ku mukutu guno.

Bakazi ba Dr Tee. Okuva ku kkono; Malaika, Bashabire wakati ne Mpologoma.

Ensonda e Mmengo ewasangibwa situdiyo ya Dr. Tee eyitibwa Song Factory zaategeezezza nti waliwo omuntu abadde atambulira ku Dr. Tee nga y’abuulira Bashabire buli kimu ekigenda mu maaso wano nga kw’atadde n’okumuwa olugambo olutali lutuufu.

Ku lumu ku lugambo lwe yategeezeza nti lwe yafuna ng’ali e London, kye ky’okugamba nga omuwala Malaika bw’atava ku situdiyo e Mengo nti bannyuka bombi kumpi buli lunaku ekintu ky’agamba nti kye kyasinze okukuulako Bashabire waya n’atuuka n’okulinnya ennyonyi okujja wano bagasimbagane ne bba ku nsonga zino.

Ensonda zaategeezeza nti okuva Bashabire lwe yatuuse wano, tebannabeerako mu mbeera nnungi ne bba era baatuuse n’okusisinkana abamu ku bakulembeze mu balokole babatabaganye.


Dr Tee atabuse: Betty Mpologoma amugasseeko omukazi omulala

More From The Author

Emboozi z’omuwandiisi endala

Emboozi endala

Samhouse7 220x290

Sam Mukasa ayingidde goloofa ye...

Yiino goloofa ya Sam Mukasa eyogeza banne obwama!

8714805438505141082996706452061019224145920o 220x290

Museveni ne Kagame basisinkanye...

Kyaddaaki Pulezidenti Museveni ne mukulu munne owa Rwanda, Paul Kagame beefumbye akafubo ku nsalo ya Uganda ne...

Kasa 220x290

Maama kalimunda tonyiga bbebi ennyindo...

ONO maama kalimunda tatya kunyiga bbebi nnyindo olw’engeri gy’akulukuunya olubuto lwe ku musajja.

Omukyalangaatudde 220x290

Laba byana biwala ebyanywa amata...

Bw’oba otambula, osanga ebyana ebitambulira mu bibinja nga byesaze obugoye obukulengeza ‘waaka’ nga ‘n’ebithambi’...

Firimu 220x290

Eyali asoma obwafaaza alumbye Mbarara...

FERDINAND Lugobe Pike eyabulako akatono okufuuka omusosodooti ayingidde ekisaawe ky’okuzannya Ffirimu.