TOP

Ssemakookiro ali mu Lubiri azannya: Akuze

By Musasi Wa

Added 6th February 2013

OMULANGIRA Ssemakookiroakuze era adduka misindemu muddo gw’omu Lubiri n’okukozesa ebyokuzannyisa ebyamugulirwa.

2013 2largeimg206 feb 2013 191051120 703x422

Bya MUSASI WAFFE

OMULANGIRA Ssemakookiro akuze era adduka misindemu muddo gw’omu Lubiri n’okukozesa ebyokuzannyisa ebyamugulirwa.

Alina omupiira gw’azannya, kiddole ky’essimu, akagaali, bbaaluuuni n’ebyokuzannyisa ebirala by’amalirako obudde mu Lubiri lwa Ssaabasajja e Banda.

Nga July 10, omwaka guno Ssemakookiro lw’ajja okuweza emyaka ebiri egy’obukulu.

Yazaalibwa July 10, 2011 mu ddwaaliro e Nsambya mu waadi ya Madhivani.

Bukedde ye yasooka okukuba ekifaananyi ky’Omulangira Ssemakookiro ng’asituddwa Ssabasajja nga January 18, 2012 amawulire agaacamula ennyo Abaganda.


Kabaka ng'asitudde Omulangira Ssemakookiro. Ku ddyo Omulangira Ssemakookiro nga bw'afaanana kati

Omulangira azaalibwa Omuzaana Rose Nansikombi muwala wa Ssaalongo George Edward Sserebe ne Nnaalongo Christine Nalubanjwa ab’e Bulemeezi.

Omuzaana Nansikombi yeddira Nseenene.

Omulangira bwe yazaalibwa, Ssaabasajja n’amubbula mu Ssekabaka Ssemakookiro eyali Kabaka wa Buganda owa 27.


Ku (kkono), Omulangira Ssemakookiro bw’afaanana kati. Ate ku (ddyo) Ssemakookiro ng'azannya.

Ekika ky’Enseenene kyakavaamu Bakabaka basatu okuli Ssemakookiro, Ssekabaka Kimera eyali owookuna ne Kamaanya eyali owa 28.

Katikkiro Yinginiya John Baptist Walusimbi yalangirira mu butongole eri Obuganda okuzaalibwa kwa Ssemakookiro nga January 17, 2012 oluvannyuma lwa Bukedde okumutwalira ekifaananyi kya Kabaka ng’asitudde Ssemakookiro.

Alina obubaka obuyozaayoza Omulangira okuweza omwaka ogumu n’ekitundu wandiika ‘MULANGIRA’ mu ssimu yo ozzeeko obubaka bwo oweereze ku 8338.


Ssemakookiro ali mu Lubiri azannya: Azannya

More From The Author

Emboozi z’omuwandiisi endala

Emboozi endala

Kib11 220x290

Ba Kansala ku district e Kiboga...

Ba Kansala ku district e Kiboga bakubye ebituli mu budget ya District

Capture 220x290

Emitimbagano gya Vision Group gyakuvaako...

Emitimbagano gya Vision Group okuli ogwa bukedde.co.ug ne newvision.co.ug gyakuggalawo ku wiikendi eno okutandika...

Br3 220x290

Ensonga za Brian White ez'okkabasanya...

Ensonga za Brian White ez'okkabasanya abaali abakozi be zisajjuse

Kit1 220x290

Engeri akasaawe k'e Mulago gye...

Engeri akasaawe k'e Mulago gye kaalera Jimmy Kirunda

Jit1 220x290

Afiiridde mu kibanda kya firimu...

Afiiridde mu kibanda kya firimu e Mukono