TOP
  • Home
  • Amawulire
  • Eddie Kenzo tatya loosi! Aggunze munnamawulire lwa kalebule

Eddie Kenzo tatya loosi! Aggunze munnamawulire lwa kalebule

By Musasi Wa

Added 12th September 2014

OLUVANNYUMA lw’omuyimbi Eddy Kenzo okuggundu munnamawule Isaac OLUVANNYUMA lw’omuyimbi Eddy Kenzo okuggundu munnamawule Isaac Katende amanyiddwa nga Kasuku Kuku Wazabanga agakonde, Kasuku agamba nti ayagala Kenzo amwetondere bw'agaana baleppuke mu kkooti.

2014 9largeimg212 sep 2014 184747330 703x422

 Bya Musaasi waffe

OLUVANNYUMA lw’omuyimbi Eddy Kenzo okuggundu munnamawule Isaac Katende amanyiddwa nga Kasuku Kuku Wazabanga agakonde, Kasuku agamba nti ayagala Kenzo amwetondere bw'agaana baleppuke mu kkooti. 

Ku Lwokuna bwe baabadde mu lukung’aana lwa bannamawulire, Kenzo lwe yatuzizza ku Laftaz, ekimu ku bifo ebisanyukirwamu ku Centenary Park mu Kampala okubabuulira ku nteekateeka za lonki ye eya 'Sitya Loss' egenda okubeerawo nga September 19, 2014 e Lugogo ku KatiKati,

Kenzo yavudde mu mbeera oluvannyuma lwa Kasuku aludde nga tebalima kambugu okumusibako ebigambo Kenzo bye yagambye nti ssi bituufu okukakkana ng'abuuse mu katebe mwe yabadde atudde n'akuba Kasuku ebikonde eby’okumukumu.

Entabwe yavudde ku Kasuku bakira abuuza Kenzo ebibuuzo ebingi nga tamuwa budde kubiddamu okukimuteekako nti waliwo ekiseera we yasasulira abaweereza b’oku ttiivi ssente baleeke kuba nnyimba za Big Eye.

“Ggwe Kenzo abamawulire olina okutuwa ekitibwa era osanidde okutwetondera, ogamba otya nti ffe tusaba abayimbi ssente ate nga ye gwe namba emu mu kusasula abaweereza b’oku ttiivi ssente baleeke kuba nnyimba za bano. Nina obukakafu waliwo omuntu gwe wasasula ssente era mu mannyi aleeke kuba nnyimba za Big Eye ate kati oliwano otubuuzabuuza…..”

Wano Kenzo yasabye Kasuku asirike amuddemu wabula Kasuku ne yerema ng'agamba nti “Tolina by'owooza okuggyako nga oyagala nkutwale ku ttiivvi nkulage omuntu gwe wasasula ssente…..”

Kenzo yagezezzaako okwewoozako nti “Big Eye mmutwala nga muganda wange era tutobye ffembe nga tusula mu nnyumba y'emu, twambala ngoye ze zimu mu kiseera Kasuku ky'oyogerako…”  wabula Kasuku nga takkiriza alemedde ku nsonga, ekyaggyeeko Kenzo 'waya' n'alumba Kasuku n'amukuba.

Amangu ago Kenzo yavuddewo n’ekibinja ky'abavubuka be ate ye Kasuku yasibidde ku poliisi ya Jinja Road n'amuloopa.  

Leero (Lwakutaano) Kasuku ategeezezza omusasi waffe nga bw'ali omwetegefu ensonga zino okuzimalira ebweru w’amateeka singa Kenzo akkiriza okumusisinkana boogere era amwetondere.

“Wadde Kenzo yankubye tekiggyawo kya kuba nti mukwano gwange. Kituufu nnamuguddeko omusango gw’okunkuba ku poliisi ya Jinja Road naye waliwo bannange abampadde amagezi nti mu kifo ky’okulemera ku nsonga zigende ne mu kkooti nsooke mmuwe omukisa annetondere, kyokka kino bw'atakikola nga ng'enga mu maaso n’omusango,” Kasuku bwe yategeezezza. 

Eddie Kenzo tatya loosi! Aggunze munnamawulire lwa kalebule

More From The Author

Emboozi z’omuwandiisi endala

Emboozi endala

6 220x290

Yiga bwe bafumba enkoko erimu enniimu...

Yiga bwe bafumba enkoko erimu enniimu

Omumyuka 220x290

Pulezidenti Museveni teyeeyibaala...

OMUBAKA wa Busiro East mu palamenti, Medard Lubega Sseggona ategeezezza Pulezidenti Museveni nti teyeeyibaala nti,...

Kutte1 220x290

Nakibinge akunyizza Haruna Kitooke...

JJAJJA w’Obusiraamu, Omulangira Kassim Nakibinge, Omulangira Kakungulu Kalifaani, Sheikh Nuuhu Muzaata ne bamaseeka...

And 220x290

Tondaba akanyiriro embeera mbi...

HARUNA alombojjedde Sipapa ebizibu by’ensimbi byatubiddemu olw’okwenyigira mu by’obufuzi.

7900135314007387300859518542802200714280960n 220x290

Gravity Omutujju amaze n’alaga...

KYADDAAKI Gravity Omutujju alaze mukyala we mu lujjudde n’ategeeza nga bwe bagenda okwanjula mu January wa 2020...