TOP
  • Home
  • Amawulire
  • Nnamukadde ne bazzukulu be 5 basimattuse okufiira mu muliro ku Ssekukkulu

Nnamukadde ne bazzukulu be 5 basimattuse okufiira mu muliro ku Ssekukkulu

By Musasi wa Bukedde

Added 26th December 2015

Nnamukadde ne bazzukulu be 5 basimattuse okufiira mu muliro ku Ssekukkulu: Ebintu byonna byasirikidde mu muliro kati ge bakaaba ge bakomba!

Baana 703x422

Nnamukadde Nagawa ne bazzulu be abaasimattuse omuliro

 

FAMIRE y'abantu 5 esimattuse okufiira mu muliro ogutannategeerekeka kwe guvudde bwe gukutte ennyumba ya Namwandu ekiro ekikeesezza leero ku Lwomukaaga ne basula wabweru.


Abalala babadde bali mu bikujjuko by'okukuza Ssekukkulu nga Nnamukadde Nnamwandu Margret Nagawa (60) omutuuze w'e Bwamulamira mu ggombolola y'e Kammengo ne bazzukulu be bali mu maziga omuliro ogutamanyiddwa gye guvudde bwe gwakutte ennyumba yaabwe n'eyaka yonna n'ebintu byonna ne biggyiramu.

Ennyumba ya Nagawa eyakutte omuliro.

Nagawa yategeezezza nti omuliro guno tamanyi kwe gwavudde kubanga bazukkulu be baabadde bweru ku kifugi nga basumagidde, baabaggyewo buggya ng'emmanju etandise okugwamu olwomuliro ogwabadde gwesooza.


Abazukulu abasimatuse okufiira mu muliro guno kuliko; Joseph Kabone myaka 3, Susan Nabasagala ne Zuula Namuddu 7.


Nagawa ne bazukulube tebasobodde kutaasa kintu kyona era nga baasuze bweru mu mpewo ekiro kyonna wabula poliisi we yatuukidde ng'ennyumba yonna esanyeewo.


Nnamukadde Nagawa ne bazzulu be abaasimattuse omuliro. EBIFAANANYI BYA PADDY BUKENYA

Abamu ku badduukirize bateebereza nti wandibaawo omuntu w'ettima eyabazizza Nagawa ng'ali mu kiyungu n'akoleeza omuliro n'aguyisa mu ddirisa wadde nga poliisi y'e Kammengo ebiwakanyizza.


Aduumira poliisi ye Kammengo, Yvonne Kyomuhendo ategezeza nti yandiba nga si muntu wa ttima eyateekedde ennyumba eno omuliro ng'abadduukirize bwe babadde bateebereza wabula wandibaawo omu ku bazzukulu ba Nagawa eyakoleezezza akataala ka munakutadooba n'akeerabira mu kisenge nga kaaka omuliro kwe gwavudde.


Nagawa w'somera bino ali mu maziga era awanjagidde abazirakisa okubadduukira n'obuyambi nga engoye n'ebintu ebikozesebwa kuba tebasigazza kantu konna era tebamanyi waakutandikira.

More From The Author

Emboozi z’omuwandiisi endala

Emboozi endala

Whatsappimage20191206at004506 220x290

Omunigeria Wizkid afuukudde abadigize...

Abantu beeyiye ku Airstrip e Kololo mu kivvulu ky'Omunigeria Wizkid, mu kivvulu ekyatuumiddwa #DirtyDecember Ba...

Nicho 220x290

Amagye gasazeeko ffaamu ya taata...

AMAGYE ne poliisi basazeeko ffaamu ya taata wa Bobi Wine omugenzi Wellington Jackson Ssentamu e Gomba.

Sevo 220x290

Museveni ayongedde ggiya mu kulwanyisa...

PULEZIDENTI MUSEVENI ayongedde ggiya mu kulwanyisa abali b’enguzi era n’awa amagezi abawa abantu emirimu mu bitongole...

Ppp2 220x290

Abantu 20 be bafa obulwadde bw'akafuba...

Bebe Cool akoowoodde Bannayuganda okumwegattako mu kulwanyisa obulwadde bw’akafuba emu ku ndwadde zi nnamutta mu...

Ucumussanyu9214 220x290

UCU Lady Canons ewangudde n'edda...

JKL Dolphins yeetaaga kuwangula nzannya bbiri ku UCU Lady Canons okusitukira mu kikopo kya sizoni eno.