TOP
  • Home
  • Amawulire
  • Bazudde vvulugu mu kakiiko ka Gavt. ak’ettaka’

Bazudde vvulugu mu kakiiko ka Gavt. ak’ettaka’

By Musasi wa Bukedde

Added 17th January 2016

Akakiiko akakuuma ettaka lya Gavumenti kalimu emivuyo

Gav2 703x422

John Muwanga

OMUBAZI omukulu ow’ebitabo bya Gavumenti (Auditor General), John Muwanga asonze ku mivuyo egiri mu kakiiko akakuuma ettaka lya Gavumenti n’ategeeza nti kyetaagisaawo etteeka eppya eriruhhamya enkola y’emirimu gyako.

Muwanga agamba nti emivuyo mulimu; Okugaba liizi ku ttaka lya Gavumenti mu ngeri emenya amateeka, akakiiko obutaba na ligyesita ya mulembe eraga ettaka lya gavumenti gye liri, obutaba na biwandiiko bimala ku ngeri ettaka lino gye litundibwako, obutamanya ttaka litali kkube mu kyapa, obutamanya bungi bwa ttaka likozesebwa na litakozesebwa, n’ebirala.

Yawadde ekyokulabirako nti waliwo ettaka lya gavumenti akakiiko lye kaagabako liizi eri ‘yinvesita’ alima ebimuli kyokka oluvannyuma ne limuggyibwako n’awaaba mu kkooti. “Ekyetaagisa ye gavumenti okuleeta etteeka erirung’amya emirimu gy’akakiiko kayo ak’ettaka okwewala ebintu nga bino,” bwe yakkaatirizza.

Muwanga yagambye nti kino kigenda kuyamba okukuuma ettaka lya gavumenti . Muwanga era yagambye nti waliwo okulwanyisibwa kw’okutandika kwa pulojekiti za gavumenti ng’entabwe eva ku kasoobo akali mu kuliyirira bannyini ttaka pulojekiti zino we ziba zigenda okukolerwa oba okuyita.

Yagasseeko nti kino oluusi kijjawo ng’abantu bagaanyi ssente omubalirizi omukulu owa gavumenti (Government Chief Valuer) z’aba asazeewo okuwa bannyini ttaka n’abeebibanja. Kino nti era kivaako abantu okutandikirawo okulwanyisa pulojekiti.

More From The Author

Emboozi z’omuwandiisi endala

Emboozi endala

Whatsappimage20191213at212901copy 220x290

Balaze waaka ku mpaka z'emisono...

Balaze waaka ku mukolo gw'okwolesa emisono ogwategekeddwa Abraynz ku Serena Hotel mu Kampala

Steelandtubebyjmutebi2 220x290

'Abakozi mukomye okwemulugunya'...

FAAZA Raymond Kalanzi ow’e kiggo ky’e Kiwamirembe alabudde abakozi abasiiba ku mirimu yonna gye bali nga beemulugunya...

Fanda1 220x290

Eyasuulawo mukyala we emyaka 25...

SSEMAKA eyasuulawo mukyala we ng’afunye omulala akomyewo oluvannyuma lw’emyaka 25 n’amukuba empeta.

Bba 220x290

Kkamera ziraze eyabbye emmotoka...

KKAMERA za poliisi zikutte omusajja omulala ng’abba emmotoka eyabadde esimbiddwa okumpi n’eddwaaliro ly’e Mulago....

Tamalemirundi 220x290

Tamale Mirundi agobye abamulambula...

Mikwano gya Tamale Mirundi betwayogeddeko nabo baategeezezza nti obulwadde Tamale bwamwetamizza abantu era mu bamu...