TOP
  • Home
  • Amawulire
  • Mukomye okukaaba ssente z’okulabirira abaana ku masomero’

Mukomye okukaaba ssente z’okulabirira abaana ku masomero’

By Dickson Kulumba

Added 17th January 2016

Akoze omukolo ogw'okwebaza

Muf2 703x422

Omulangira Nakibinge, Sheikh Kibaate (wakati) ne Dr. Kaawaase (ku ddyo).

OMUMYUKA owookubiri owa Katikkiro wa Buganda, Dr. Twaha Kaawaase Kigongo akoze omukolo gw’okwebaza Katonda olw’okulondebwa ku bukulu buno n’asoomooza abazadde mu Buganda okukomya okwemulugunya n’obutayagala kusasulira baana nsimbi zibalabirira nga bali ku masomero.

Dr. Kaawaase nga ye Minisita w’ebyenjigiriza e Mmengo yagambye nti, “Kino kye kitundu ekisingamu abazadde abakaaba olw’ensimbi entono ze babasaba okulabirira abaana ku masomero era bwe tutaakyuse, tuli baakusigalira mabega.” Bino yabyogeredde ku Muzikiti e Kibuli awaabadde okwebaza kuno ku Lwokutaano n’agamba nti enkola ya Federo y’egenda okuyamba okubbulula ebyenjigiriza mu ggwanga okulaba omutindo gw’amasomero mu byalo okuli Nakijju e Gomba gye yasomera gweyongera kubanga mu kiseera kino amasomero mu byalo gali mu mbeera mbi era tesobola kuvaayo bakulembeze ba nkya.

Ye Katikkiro Charles Peter Mayiga yasabye abalonzi okuteeka ku nninga abeesimbyewo bababuulire kye bategese okukola ku nsonga ya Federo.

Omukolo guno gwatandise n’okusaala oluvannyuma ne waddawo dduwa okwebaza Katonda ng’eno yakulembeddwa Supreme Mufti Siliman Kasule Ndirangwa eyakubirizza abantu okukozesa akalulu kaabwe okulonda abakulembeze abanaabagasa.

Omukolo gw’okusaala gwetabiddwaako Namasole Siwoza, baminisita Christine Mugerwa Kasule ne Rita Namyalo n’eyali minisita wa Kabaka Florence Nakiwala Kiyingi Omulangira Kassim Nakibinge yeebazizza abantu okusabira n’okuwagira Kibuli mu kiseera ky’okufiirwa Supreme Mufti Sheikh Kayongo ate ne mu kulondebwa kwa Sheikh Ndirangwa.

Nakibinge yagambye Dr. Kaawaase nti, “ Nze sigenda kukukulisa kutuuka ku bukulu buno wabula okukweraliikirirako nti ozze mu buzibu kubanga omukulembeze yenna kasita ojja mu butaala n’abaagala ogwe beeyongera bungi kyokka olina okuba omunywevu okuvvuunuka kino.” Kabaka yakola enkyukakyuka mu kabineti nga October 10, 2015, mwe yalondera Dr. Kaawaase ku bukulu buno era n’amwongerako okuba avunaanyizibwa ku kulaba ng’obweruufu bweyoleka mu bitongole by’Obwakabaka.

Omukolo gwetabyeko Nnabagereka, abamyuka ba Katikkiro, Bakatikkiro abaawummula; Dan Muliika ne Joseph Ssemwogerere, Abalangira Wasajja ne Jjunju, Bannaalinnya Kagere ne Tebattagwabwe, Sipiika Nelson Kawalya n’abaami b’amasaza. Bannabyabufuzi kwabaddeko Hajji Moses Kigongo, Ali Kivejinja, Asuman Basalirwa, Loodi Meeya Erias Lukwago, Matia Bwanika ne Amama Mbabazi

More From The Author

Emboozi z’omuwandiisi endala

Emboozi endala

Whatsappimage20191213at212901copy 220x290

Balaze waaka ku mpaka z'emisono...

Balaze waaka ku mukolo gw'okwolesa emisono ogwategekeddwa Abraynz ku Serena Hotel mu Kampala

Steelandtubebyjmutebi2 220x290

'Abakozi mukomye okwemulugunya'...

FAAZA Raymond Kalanzi ow’e kiggo ky’e Kiwamirembe alabudde abakozi abasiiba ku mirimu yonna gye bali nga beemulugunya...

Fanda1 220x290

Eyasuulawo mukyala we emyaka 25...

SSEMAKA eyasuulawo mukyala we ng’afunye omulala akomyewo oluvannyuma lw’emyaka 25 n’amukuba empeta.

Bba 220x290

Kkamera ziraze eyabbye emmotoka...

KKAMERA za poliisi zikutte omusajja omulala ng’abba emmotoka eyabadde esimbiddwa okumpi n’eddwaaliro ly’e Mulago....

Tamalemirundi 220x290

Tamale Mirundi agobye abamulambula...

Mikwano gya Tamale Mirundi betwayogeddeko nabo baategeezezza nti obulwadde Tamale bwamwetamizza abantu era mu bamu...