TOP

Yunivasite y'e Makerere etikkidde abayizi

By Musasi wa Bukedde

Added 20th January 2016

Ku mukolo gw’okutuuza Polof. Ezra Suruma ku Mmande, amyuka Cansala John Ddumba Sentamu yategeezezza nti abayizi bagenda kufuna amabaluwa gaabwe oluvannyuma lw’omwezi gumu nga bamaze okutikkirwa.

Benteke 703x422

Abamu ku bayizi abaatikkiddwa.

CANSALA wa Makerere omuggya Polof. Ezra Suruma alabudde abayizi abatikkirwa okussaayo omwoyo ku bye basoma babiteeke mu nkola basobole okukakasa ensi nti bye basoma tebafunayo mabaluwa wabula babiyiga.

Bino yabyogeredde Makerere eggulo ng’atikkira abayizi 2,300 kw'abo 34 baafunye ddiguli ey’okusatu ku lunaku olwasoose ku matikkira g’omwaka guno agagenda okumala ennaku 4 mwe bagenda okutikkirira abayizi bonna awamu 14,000.

Abaatikkiddwa eggulo kwabaddeko abasomye amateeka, Bayinginiya, abasomye ebyobulimi n’okujjanjaba ebisolo.

Ku mukolo gw’okutuuza Polof. Ezra Suruma ku Mmande, amyuka Cansala John Ddumba Sentamu yategeezezza nti abayizi bagenda kufuna amabaluwa gaabwe oluvannyuma lw’omwezi gumu nga bamaze okutikkirwa.

Suruma yakuutidde abayizi be yatikkidde okweyambisa obukugu bwe bafunye okuweereza eggwanga era n’abategeeza nti kati bafuuse kyakulabirako eri abaana abato.

Yategeezezza nti Uganda nsi ejjudde emikisa abasomye gye bayinza okukozesa okulongoosa embeera z’abantu era tewali mulala agenda kukikola okujjako bo abasomye.

Ddumba yategeezezza abazadde nti omwaka oguwedde Makerere yatuuse ku birungi bingi okwabadde n'okutongoza kkampuni egenda okukola emmotoka era 2018 w'aanatuukira nga bafulumya emmotoka ezikolebwa mu Uganda.

Yayongeddeko nti Yunivasite esobodde okukola ebyuma ebikebera amawugwe (Maama Hope) singa omuntu naddala abaana babeera balwadde lubyamira basobola okukozesa akuuma ne bamukebera n’asobola okufuna obujjanjabi obwetaagisa, kwe kusaba abayizi babeere baamazima mu bye bakola.

More From The Author

Emboozi z’omuwandiisi endala

Emboozi endala

Bus1 220x290

Cranes egudde mu bintu

Cranes egudde mu bintu

Jip1 220x290

She Cranes etandise okutendekebwa...

She Cranes etandise okutendekebwa

Lib2 220x290

Omwana omulala afiiridde mu muliro...

Omwana omulala afiiridde mu muliro e Katwe

Kat2 220x290

Katikkiro Mayiga agumizza abantu...

Katikkiro Mayiga agumizza abantu ku nsonga y'Amasiro

Kabakamutebiii 220x290

Kabaka akoze enkyukakyuka mu kabineeti...

Kabaka akoze enkyukakyuka mu kabineeti y'e Mengo.