TOP

Ssekandi akubye Buganda akaama

By Muwanga Kakooza

Added 20th January 2016

Ssekandi era yasabye Bannayuganda okwewala effujjo mu kukola kampeyini okulonda kusobole okuba okw’emirembe ng’agamba nti bwe kunaaba kuwedde abantu balina okusigala nga bali bumu.

Seka 703x422

Ssekandi ng'ayogerako eri abawagizi ba NRM e Nyendo - Masaka. EKIF: MUWANGA KAKOOZA

OMUMYUKA wa pulezidenti Edward Kiwanuka Ssekandi  asabye abantu b’omu Buganda okunywerera ku Pulezidenti Museveni olw’okuba ye yeyazzaawo Obwakabaka n’okubaddiza ‘Ebyaffe’ ebirala.

Ssekandi era yasabye Bannayuganda okwewala effujjo mu kukola kampeyini okulonda kusobole okuba okw’emirembe  ng’agamba nti  bwe kunaaba kuwedde abantu balina okusigala  nga bali bumu.

Ssekandi bino yabyogeredde mu Nyendo e Masaka ng’aggulawo ofiisi ya NRM  n’agamba nti abantu b’omu Buganda obuteerabira Pulezidenti Museveni gwe yagambye nti ye yazzaawo Obwakabaka  n’okubaddiza ebyabwe.

Yategeezezza nti gavumenti ya NRM ekoze  kinene okutereeza ebyasoba ku gavumenti endala ezaavaako n’anenya ab’oludda oluvuganya olw’okugikolokotanga olutatadde ne bw’eba erina ebirungi by’ekoze.

Yagambye nti Bannayuganda okuwuliriza  n’okussa ekitiibwa mu birowoozo by’abalala beewale effujjo n’ebikolwa by’okukuma omuliro mu bantu okulonda kusobole okutambula obulungi.

Yayongedde nti abantu balina okwewala ebikolwa by’okusiiga bannaabwe abeesimbyewo enziro n’asaba ab’oludda oluvuganya okwenyigira mu by’obufuzi ebyekintu kiramu ebinaasobozesa Bannayuganda okusigala obumu okulonda ne bwe kunaaba kuwedde.

 

More From The Author

Emboozi z’omuwandiisi endala

Emboozi endala

Sit2 220x290

Omugagga akubye omutemu n’amusuuza...

Omugagga akubye omutemu n’amusuuza emmundu

Sev2 220x290

Museveni atabukidde Katikkiro Mayiga...

Museveni atabukidde Katikkiro Mayiga ku by'emmwaanyi

Det2 220x290

Teddy afulumizza ekiwandiiko ku...

Teddy afulumizza ekiwandiiko ku bya bba Bugingo

Kop2 220x290

Owa bodaboda gwe baakuba ennyondo...

Owa bodaboda gwe baakuba ennyondo alojja

Lap2 220x290

Eyatuga owa bodaboda asonze ku...

Eyatuga owa bodaboda asonze ku munene gw’akolera