TOP
  • Home
  • Amawulire
  • Olutalo lwa Kato Lubwama ne Lukyamuzi luwanvuye: Agaanyi okumwetondera

Olutalo lwa Kato Lubwama ne Lukyamuzi luwanvuye: Agaanyi okumwetondera

By Musasi wa Bukedde

Added 20th January 2016

Bino Kato Lubwama yabitegeezezza eggulo bwe yabadde ayitiddwa ab’akakiiko k’ebyokulonda okuwuliriza ensonga zaabwe ne Lukyamuzi.

Lukyamuzi 703x422

Kato Lubwama (ku kkono). Ku ddyo, Lukyamuzi ne puliida we mu ofiisi z’akakiiko k’ebyokulonda leero ku Lwokusatu

EYEESIMBYEWO ku kifo ky’omubaka wa Lubaga South era munnakatemba Kato Lubwama agaanye okwetondera gw’avuganya Ken Lukyamuzi.

Bino Kato Lubwama abyogeredde mu kakiiko k'ebyokulonda gye yayitiddwa ab’akakiiko okuwuliriza ensonga zaabwe ne Lukyamuzi.

Gye buvuddeko, Lukyamuzi omubaka wa Lubaga South era ng’ayagala okuddayo mu palamenti yeekubidde enduulu mu kakiiko k’ebyokulonda n’aloopa Kato Lubwama n’abawagizi be okumuvuma entakera ssaako n’okumulemesa okukuba enkung'aana ze ng’anoonya akalulu.

Lukyamuzi yasabye akakiiko k’ebyokulonda okumuwa abakuumi atambule nabo ng’agamba nti obulamu bwe buli mu matigga olw’abawagizi ba Kato abamutiisatiisa okumukolako obulabe. Kato mu kwewozaako yagambye nti ye talaba nsonga lwaki yeetondera Lukyamuzi kuba ye ng’omuntu talina kye yali amukoze.

Yagasseeko nti n’eky’abawagizi be okutiisatiisa Lukyamuzi kikyamu kubanga Lukyamuzi w’abeerera mu nkuh− haana, ne Kato abeera mu kakuyege we.

Amyuka omwogezi w’akakiiko k’ebyokulonda Paul Bukenya yategeezezza nti akakiiko kalina omulamuzi wa kkooti enkulu atuula ku ofiisi zaabwe era y’alamula ensonga z’abeesimbyewo.

More From The Author

Emboozi z’omuwandiisi endala

Emboozi endala

Amomentwithteachergracenampiimaeditortotomagazinewebuse 220x290

Ensonga 5 lwaki omwanawo olina...

Abakugu bakulaga ensonga lwaki osaanye okusasulira omwana wo okugenda okulambula

Passionfruitpannacotta800800webuse 220x290

Ebivaako omwana okuziyira

Genderera omwana wo okutangira okuziyira okusobola okutangirwa

4webuse 220x290

Omuwendo gw’abantu abakozesa kondomu...

Bannayuganda bakubiriziddwa okwettanira okukozesa kondomu bwe tunaaba baakumalawo siriimu ng'omwaka 2030 tegunnatuuka...

Unity 220x290

Akwatibwa ng'awa abaana abataayaayiza...

EBYOKUSAAGA bikomye: Minisita w’ensonga z’abaana Florence Nakiwala Kiyingi ategezezza nti omuntu yenna anaakwatibwa...

Unique 220x290

Etteeka ku bamansa kasasiro lijja...

MINISITA avunaanyizibwa ku guno na guli Mary Karooro ategeezezza nti gavumenti egenda kuleeta erobonera abamala...