TOP
  • Home
  • Amawulire
  • Aba ‘Ghetto’ basomeseddwa engeri y’okweggya mu bwavu

Aba ‘Ghetto’ basomeseddwa engeri y’okweggya mu bwavu

By Musasi wa Bukedde

Added 24th January 2016

Bino byayogeddwa Farouk Mujumba owa Njumba Group of Companies ne Njumba Foundation.

Sima 703x422

Mujumba ng’aliko by’annyonnyola Col. Kulyigye ku ddyo.

ABAVUBUKA ba Ghetto basabiddwa okuyiga emirimu gy’omutwe bwe baba baagala okwegobako obwavu.

Bino byayogeddwa Farouk Mujumba owa Njumba Group of Companies ne Njumba Foundation.

Ekivvulu kino kyagendereddwaamu okutema empenda abavubuka mwe basobola okuyita okweyimirizaawo nga bakola emirimu gy’omu mutwe omuli okukola obugya bw’oku nguudo (Peeva), okuyiga okukanika, okukola amataala, okuzannya akapiira n’ebirala.

Mujumba yategeezezza Col. Felix Kulayigye, nti mu kifo kya poliisi okukwata abavubuka obwakireereese n’ebatwala e Luzira, waakiri ebatwale mu matendekero agasomesa emirimu gy’omu mutwe kibayambe okukyusa embeera m’okukendeeza obumenyi bw’amateeka.

Mu kiseera kino Mujumba aliko abavubuka abasoba mu 10000 abeegattira mu kibiina kya Njumba Foundation b’akutte ku mukono ng’abayigiriza emirimu gy’omu mutwe.

Col. Kulayigye eyakiikiridde omuduumizi w’amagye Gen. Katumba Wamala yagambye nti Mujumba ky’akoze eky’okuggya abavubuka mu bumenyi bw’amateeka beenyigire mu kusoma emirimu gino kirungi era Gavumenti neetegefu okumukwatirako.

Omugagga Kirumira yategeezezza abavubuka nga naye bwe yakulira ku nguudo wabula okweekiririzaamu n’obumalirivu bibayamba okuva mu mbeera embi.

Oluvannyuma Mujumba yalambuzza Col. Kulayigye n’omugagga Kirumira ebimu ku bintu abavubuka bye bayize omwabadde okusiba yingini, okukola ebitaala by’oku nguudo, amadirisa n’enzigi.

Abayimbi ab’enjawulo okuli Bobi Wine, Ronald Mayinja, Aziz Azion, Ambassador Ssali, Kalangi ne Mugema nabo baabaddeyo.

More From The Author

Emboozi z’omuwandiisi endala

Emboozi endala

Pala 220x290

‘Kirungi okuyamba abali mu bwetaavu’...

BANNADDIINI okuva mu kigo kya Blessed Sacrament Kimaanya mu ssaza ly’e Masaka badduukiridde abakadde abatalina...

Batya1 220x290

‘Mufe ku mitima so si nnyambala’...

ABAKRISTU b’e Lukaya mu disitulikiti y’e Kalunguku Lwomukaaga baasuze mu Klezia nga batenderezza Katonda mu Mmisa...

Papa 220x290

Obukadde 600 nakozesaako 70 endala...

Town Clerk w’Eggombolola y’e Gombe, Sulaiman Kassim asobeddwa mu lukiiko RDC w’e Wakiso, Nnaalongo Rose Kirabira...

Untitled4 220x290

Ssegirinya waabwe lwaki munsibako...

KANSALA Muhammadi Ssegirinya ‘’Ddoboozi lya Kyebando’’ yeewozezzako ku by’omukazi gw’apepeya naye mu Amerika.

Untitled3 220x290

Abebivvulu beesunga mudidi gwa...

OMUKWANAGANYA w’ekibiina kya UMP-NET omuli abayimbi, abategesi b’ebivvulu ne bannakatemba, Tonny Ssempijja ng’ali...