TOP
  • Home
  • Amawulire
  • Pulezidenti Museveni akubirizza abantu okwewala akawuka ka siriimu

Pulezidenti Museveni akubirizza abantu okwewala akawuka ka siriimu

By Muwanga Kakooza

Added 6th February 2016

Pulezidenti Museveni akubirizza abantu okwewala akawuka ka siriimu

Pap2 703x422

Pulezidenti Museveni ng'ayogerera mu kusaba e Munyonyo

AKULIRA kkampuni ya  Vision Group efulumya ne Bukedde Mw. Robert Kabushenga akwasizza Klezia ensimbi akawumbi kamu n’obukadde 340 kkampuni ze yakung’anya ng’eggwanga lyetegekera okukyala kwa Paapa Francis.  

Ensimbi Kabushenga yazikwasizza Ssabasumba w’esaza ekkulu e Kampala Cyprian Kizito Lwanga mu kusaba okw’okwebaza olw’okukyala kwa Paapa okwabadde ku kiggwa ky’omujjulizi Andereya Kaggwa e Munyonyo okwetabiddwako ne Pulezidenti Museveni.

Pulezidenti Museveni yagambye nti ne gavumenti yawaayo ensimbi ezisoba mu buwumbi 80 okutegeka emikolo gy’okukyala kwa Paapa.  

Yagambye nti gavumenti yagula ettaka lya Klezia erisangibwa okumpi n’ekisaawe e Ntebe ku buwumbi 32 era n’ewa ne Klezia ensimbi endala obukadde 36 kwe yagatta n’endala obuwumbi busatu ze yawa Abapolositante e Nakiyanja okukola ku kukyala kuno.

 ‘’Ndi musanyufu kuba gavumenti yammwe yasobola okukola ku kukyala kwa Paapa era okujja kwe kituyamba ng’eggwanga okwongera okuleeta abalambuzi’’ Museveni bwe yagambye.            

Yakubirizza abantu okukola ennyo baggaggawaze amaka, gaabwe kiyamba abantu okuba obulungi  n’okutumbula emirimu gya Klezia n’okuwa gavumenti emisolo.

Era n’akunga abantu okwewala okufuna Siriimu n’okuwanyisa ettamiiro. ‘’ N’olaba omuntu ng’amatama gazimbye nga yenna ayengedde ng’eryenvu.Okunywa omwenge ssi kirungi’’ Museveni eyabadde ne mukazi Janet Museveni bwe yagmbye.

Ssabasumba Cyprian Kizito  Lwanga yebazizza gavumenti olw’okuwa abantu emirembe n’asaba n’abakiriza okugikuuma mu maka.

Ku nsonga z’okutunda sapule, Ssabasumba yagambye nti Klezia tetunda mukisa n’agamba nti kino kyakolebwa ng’akabonero k’okujjukira okukyala kwa Paapa n’asaba ababadde bawalampa Klezia bakikomye. Yavumiridde aboboona erinnya lya Klezia n’agamba bakikomye kuba ebyogerwa ssi bituufu.

More From The Author

Emboozi z’omuwandiisi endala

Emboozi endala

Bujingo2703422 220x290

Bugingo ennyumba gye yazimbidde...

OMUSUMBA Aloysius Bugingo akudaalidde abantu ababadde balowooza nti, enju ye gaggadde gy’azimbira omugole Susan...

Lab2703422 220x290

Aba Ssebulime balangidde minisita...

FAMIRE ya Ronald Ssebulime banyiivu olwa kye baayise Minisita Nantaba okwongera okubalaata n’atuuka n’okujaguza...

Tta 220x290

Nantaba awadde Museveni amannya...

MINISTA Idah Erios Nantaba akaabidde mu kusaba mw’agambidde nti abaagala okumutta bali mu Gavumenti mwennyini era...

Lumba 220x290

Abadde afera abaagala Viza bamuyodde...

KITUUFU Kampala si bizimbe. Abantu basula bayiiya ng’ate abalala bafera bannaabwe okuba obulungi.

Kola1 220x290

Empeta za bba wa Babirye zibuzaabuza...

ABALONZI b’omubaka Paul Musoke Ssebulime owa Buikwe County North era bba w’omubaka omukazi owa Buikwe bali mu kwewuunaganya...