TOP
  • Home
  • Amawulire
  • Akubye omwana we akakumbi n'amutta lwa bba kumogobaganya awaka!

Akubye omwana we akakumbi n'amutta lwa bba kumogobaganya awaka!

By Paddy Bukenya

Added 9th February 2016

Ono kigambibwa nti oluvannyuma lw'okutta omwana omulambo agututte mu kitanda n'agubikka olwo n'assaako kakokola tondekannyuma.

Bba 703x422

Nabulya ng'ali ku poliisi. EKIF: PADDY BUKENYA

OMUKAZI afunye obutakkaanya ne bba obusungu n'abumalira ku mwana waabwe ow'emyaka ebiri n'amukuba akakumbi mu kyenyi n'amutta.

Ono kigambibwa nti oluvannyuma lw'okutta omwana  omulambo agututte mu kitanda n'agubikka olwo n'assaako kakokola tondekannyuma.

Faustina Nabulya, omutuuze w'e Nama mu muluka gw'e Luvumbula mu ggombolola y'e Kiringente mu disitulikiti y'e Mpigi yakkakkanye ku mwana we Phionah Nabakaabya, gwe yakeera enkya n'azaala n'amukuba akakumbi mu kyenyi n'amutta.

Taata w'omugenzi John Nkologi ategeezezza nti omwana we amusanze mu buliri nga mufu wa jjo kwe kuddukira ku poliisi y'e Nakirebe nayo etandikiddewo omuyiggo Nabulya (nnyina) era ne bamukwata.

Nabulya abadde mu maziga annyonnyodde poliisi nti okutta omwana we gw'abadde alina yekka kyavudde ku bba Nkologi abadde asusse okumuliisa akakanja ng’amukuba n'okumugobaganya awaka.

"Okutta omwana Nkologi yasoose kungoba waka nange ne mbulwa gye ndaga n'omwana," Nabulya bwe yategeezezza Poliisi. 

Akulira ebyokwerinda mu muluka gw'e Luvumbula ye yakwatirizza Nabulya ng'adduka n'amukwata nga tamanyi gubadde, wabula bwe yalabye amameeme gamukuba n'asalawo okumutwala ku poliisi y'e Nakirebe gye baakizuulidde oluvannyuma nti yabadde amaze okutta omwana we era ne bamuggalira.

Akulira okunoonyereza ku buzzi bw'emisango ku poliisi y'e Nakirebe, David Kazibwe agambye nti Nabulya yakkiriza ogw'okutta omwana n'agamba nti yabadde asobeddwa eka ne mu kibira!

More From The Author

Emboozi z’omuwandiisi endala

Emboozi endala

Unit8 220x290

Enjawulo etabudde Aganaga ne Chris...

NGA tegunnawera mwaka ng’abayimbi Aganaga ne Chris Johnz batadde emikono ku ndagaano ey’okukolera awamu, baawukanye...

Gd1 220x290

Omugagga Ham ne Kirumira banaazizzaako...

Omugagga Ham ne Kirumira banaazizzaako Sheikh Muzaata ennaku ya January

Kanta 220x290

‘Muntaase ku baana bange abanzibako...

OMUKADDE ow’emyaka 93 atabuse n’abaana be ng’abalumiriza okubeera mu kkobaane erimugoba ku ttaka lye balyeddize....

Bonnyjpgweb 220x290

Abadde ayanula engoye z'abatuuze...

Bonny Tamale omutuuze w'oku Kalerwe Kiggundu Zooni y'asimattuse okuttibwa abatuuze b'e Bwaise oluvannyuma lw’okumusanga...

Agende 220x290

Kkooti egobye egimu ku misango...

KKOOTI y’e Nakawa egobye omusango gw’obuyeekera ogwali gwaggulwa ku basajja 14 abagam- bibwa nti beenyigira mu...