TOP

Lukwago ne bameeya batebuse Mulindwa Muwonge

By Musasi wa Bukedde

Added 27th April 2016

Lukwago ne bameeya batebuse Mulindwa Muwonge

Luk1 703x422

Loodi Meeya Erias Lukwago ( wakati) ng’ali ne Emmanuel Sserunjogi (ku kkono) ne Joyce Ssebugwawo nga bava mu kkooti.

BAMEEYA ba Munisipaali za Kampala ettaano ne bakansala baabwe beegasse ku Loodi meeya Erias Lukwago ne basaba kkooti eyimirize okusala omusango munnamawulire Mulindwa Muwonge gwe yaloopa ng’ayagala abakulembeze abalonde mu kibuga basazibwemu.

Bameeya okuli owa Lubaga Joyce Nabbosa Ssebuggwaawo, owa Kawempe Emmanuel Sserunjogi , Ronald Balimwezo owa Nakawa, Nganda Mulyannyama owa Makindye, n’owa Kampala Central, Charles Musoke Sserunjogi baataddeyo okusaba kwabwe nga kwetongodde ku kwa Loodi Meeya mu Kkooti Enkulu etuula ku Twed Plaza, eggulo. Lukwago yagambye nti basabye kkooti ensonga ssatu:

1. Omulamuzi ayimirize okusala omusango gwa Mulindwa Muwonge kubanga gugenderera kugyako Bannakampala ddembe lyabwe eribaweebwa mu ssemateeka okwerondera abakulembeze mu Kampala.

2. Baagala asse ku bbali byonna ebyayogeddwa balooya ba Mulindwa Muwonge kuba byavudde ku ludda lumu nga kkooti teyawadde mukisa ludda lwabwe kwerwanako.

3. Basabye kkooti ekkirize ewulirize abakulembeze abalonde, omuwaabi baayagala basazibwemu kubanga baalondeddwa mu mateeka nga kuba kugyako bannakampala ddembe lyabwe singa omusango gusalwa.

Lukwago yategeezezza nti balindiridde kkooti kulonda lunaku ewulirireko okusaba kwabwe. Yategeezezza nti wadde waliwo bannaabweabeekubidde enduulu ewa Pulezidenti Museveni tasobola kubeesigamako kubanga ensonga ze balwanyisa ziri mu kkooti si wa Pulezidenti Museveni. “Twagala kibeere ku likodi nti kkooti teyakikoze wadde nga tugisabye etuwulirize,” Lukwago bwe yagambye.

Kino kiddiridde munnamawulire wa UBC, Mulindwa Muwonge okutwala omusango mu kkooti ng’agamba nti abakulembeze abalonde mu Kampala basaana basazibwemu kubanga etteeka mwe baalondeddwa kkadde ng’eppya teriboogerako. Kkooti yawuliriza okusaba kwe ng’omusango gusigadde gisalibwa.

More From The Author

Emboozi z’omuwandiisi endala

Emboozi endala

Bi 220x290

Bebe Cool agenze mu Amerika kusakira...

Bebe Cool agenze mu lukung’ana lw’ekibiina ky’amawanga amagatte (UN) kusakira balwadde bakafuba ssente za bujjanjabi....

Abasuubuzingabalimukatalekakirekamainmarketwebusebig 220x290

Mutuzimbire akatale akali ku mutindo...

Akatale ka myaka 90 wabula tekalina mifulejje wadde bakasitoma we bayita.

Kyotera1 220x290

Abazadde balumbye essomero lw'abaana...

POLIISI e Kyotera eggalidde dayirekita w’essomero lya Kyotera Infant Pri.Sch, ne Heedimasita w’essomero lino ng...

Mulironnyumba2 220x290

Omuliro gw'okyezza enju y'omusawo...

NABBAMBULA w’omuliro asaanyizzaawo amaka g’omusawo ebintu bya bukadde ne bitokomoka okubadde n’emmotokka.

Preg1webuse 220x290

Nkole ntya okwewala omwenge kuba...

Olubuto lunjoyesa omwenge naye mmanyi gwa bulabe eriomwana ali munda. Nkole ntya okugwewala?