TOP

Bagogodde akatale ke Nateete

By Joseph Mutebi

Added 27th April 2016

Bagogodde akatale ke Nateete

Kat1 703x422

POLIISI  ewadde aba  KCCA  amagezi  abavunaanyizibwa okuyoola kasasiro mu katale k’e Nateete okwongeramu amaanyi naddala mu biseera bino eby’enkuba nga bagogoola emyala buli lunnaku kubanga kiyinza okuvamu ekirwadde kya koleera ne kitta abasuubuzi ne bakasitoma baabwe.

“Mu kiseera kino ng’e nkuba Efuddemba kyangu nnyo ekifo nga kino omubeera abantu abangi bwe kitaba kiyonjjo okuvamu ekirwadde kya koleera.

Era Bukedde bweyatulaga obukyafu obugenda mu maaso mu katale kano kyatukuteeko nnyo nga poliisi okugya okulaba nga tukwattira wamu okuyonja akatale kano” bwatyo omukwanaganya wa poliisi n’omuntu wa bulijjo atwala Katwe Victoria Namuli bweyategeezezza,

Bino Namuli yabyogedde ggulo mu katale k’e Nateete gye yabadde ne mukamawe David Mwebaze akulira poliisi n’omuntu wa bulijjo mu Kampala n’emiriraano eyategesse bulungi bwa nsi ono.

Basookedde mu myala gy’omu katale nga bayambibwako ba “ kulayimu puliventa” n’aba KCCA ne bagigogoola gyonna.  Bayingidde nemu middala gy’abasuubuzi gyonna egyabadde gifumbekedde  kasasiro ne bamugyayo bakira emmotoka za KCCA bwe zimutwala.

Akulira  abalongoosa akatale kano ku lwa KCCA Sagiu Muhuruzi yagambye nti poliisi kye yakoze kya manyi okubayamba  okulongoosa akatale kano naye era babasanze batandiise dda okulongoosa emyala gino ennaku nga bibbiri okwewala abantu okulwala koleera.

Ye akulira eby’okwerinda mu katale kano Sulaiman Ssembatya yawadde abasuubuzi amagezi okulabira ku poliisi kyekoze okubayambako okuyonja akatale nti nabo oluusi baveeyo bakwatize wamu ne KCCA era bakomye n’okusula kasasiro mu myala n’ebifo mwebakoleera ng’ate ebipipa bya KCCA bibawo.

More From The Author

Emboozi z’omuwandiisi endala

Emboozi endala

Aniteweb 220x290

Bamafia baagala kunzita - Anite...

MINISTA omubeezi avunaanyizibwa ku bamusiga nsimbi, Evelyn Anite avuddeyo n’alaajana ku bamafia abaagala okumutta,...

Isabirye1 220x290

Mzee Kifansalira owa NRM bamugoba...

KAKUYEGE wa NRM mu Bwaise, Isabirye Musa amanyiddwa nga “Kifansalira” asula ku tebuukye olwa landiroodi we okumulaalika...

Mustafi000 220x290

Mustafi wa Arsenal agenda

Roma eya Yitale, ye yagala okumuggya mu Arsenal

Coutinho111 220x290

Coutinho bamwagalizza mikisa

Coutinho yeegasse ku Bayern ku bbanja okuva mu Barcelona

Pulezidenti Museveni ne Kagame...

PULEZIDENTI Museveni ne munne Paul Kagame enkya ku Lwokusatu basuubirwa okuddamu okusisinkana mu Angola mu lukung’aana...