TOP

Abasaddaaka abaana basse omulala e Ntinda

By Musasi wa Bukedde

Added 5th May 2016

Wabula ku Lwokubiri nabadde ku mulimu ne bankubira essimu nti Junior bamuzudde mu kabira okumpi n’oluzzi mu Butuukirwa Zooni.

Ntinda1 703x422

Bya EDWARD LUYIMBAAZI

LAWRENCE Mwanje omutuuze mu Kalinaabiri Zooni I e Ntinda - Kigoowa mu Munisipaali y’e Nakawa, amaze wiiki emu ng’anoonya mutabani we Junior Lubwama, 6.

Wadde nga yaloopa ku poliisi bw’abuliddwaako omwana agambibwa okutwalibwa abasajja babiri abaamusanga ng’azannya ne bato banne, era nayo n’eggulawo omusango ku fayiro nnamba SD:60/27/04/2016, Mwanje yali asinga kulowooleza mu nnyina Rozious Asiimwe, gwe yayawukana naye mu 2012 nti ye yageze nga taliiwo n’amubbawo.

Musajjawattu, yawunze ku Lwokubiri bwe baamukubidde essimu nti omwana we amubuzeeko okumala wiiki yasaddaakibwa ne bamusokoolamu ebitundu ebimu.

Abatuuze b’e Ntinda Kigoowa baaguddemu ekikangabwa bwe baagudde ku mulambo gw’omwana wa mutuuze munnaabwe ng’asaddaakiddwa n’okusalwako ebitundu by’omubiri ebimu.

MWANJE ATTOTTOLA: Ku makya ku Lwokusatu lwa wiiki ewedde, omwana wange yali azannya ne banne ku muliraano mbu ne wajja abasajja babiri ne bamuyita, ne bamutwala. Banne nti, baagezaako okumugaana okugenda n’abasajja bano n’abalemerako nti bajja kumukomyawo.

Bino baabingamba nkomyewo okuva ku mulimu ku12:00 ez’akawungeezi ne ntandikirawo omuyiggo gwa Junior nga nsuubira oba alina w’ali n’ambula.

Nakubirako nnyina (Asiimwe) essimu nga ndowooza oba yali amukimye kyokka n’annyombesa nti nve mu kumuzannyisa n’ambuuza ensonga lwaki owuwe gwe nkuba ebisiraani? Wano we nagendera ku poliisi y’e Ntinda ne nzigulawo omusango.

Wabula ku Lwokubiri nabadde ku mulimu ne bankubira essimu nti Junior bamuzudde mu kabira okumpi n’oluzzi mu Butuukirwa Zooni.

Bangambye nti mutabani wange omulala, Geoffrey Walusimbi ye yagudde ku mulambo gwa munne bwe yabadde agoba embwa.

Yamaze kulaba bigatto bya ssandaka ne T-Shirt emmyuufu bye yali ayambadde lwe yabula nga bisuuliddwa okumpi ne gye yabadde ayita ‘embwa enfu’.

Batuuze bannange oluvannyuma baagenze ku poliisi y’e Ntinda eyazze ne yeekebejja omulambo gwa Junior n’ezuula ng’omutwe gwe gwasalwako busalwa, ebitundu bye eby’ekyama byakeculwako ne bitwalibwa ate era nga baamubaaga ne bamuggyamu ensigo ne bagitwala.

ABEEBYOKWERINDA BOOGEDDE: Atwala poliisi y’e Ntinda, Swaibu Taban agambye nti tebannaba kubaako muntu yenna gwe bakwata ku butemu buno nti kyokka baatandikiddewo okubayigga n’okuzuula abali emabega waabwo.

Atwala ebyokwerinda e Kalinaabiri, Rosco Mukuye yavumiridde ekikolwa ky’okusaddaaka omwana ono n’anenya ne Asiimwe okulekawo abaana be mu ddya ate n’atafaayo kudddako mu maka ago kubalambula.

Yagasseeko nti omuntu eyasaddaase omwana ono kirabika tali wala nnyo kubanga ekiwuduwudu kyasangiddwa kumpi n’amaka ga kitaawe.

Yasabye nnannyini kabira omwasangiddwa omulambo okukasaawawo kubanga kafuuse ka bulabe abazigu mwe batemulira abantu n’abayaaye okukommontera enjaga.

NNYINA KY’AGAMBA: Asiimwe yagambye nti mu 2014 yajja n’alaba ku baana era n’abasanga nga bali mu mbeera nnungi n’awakanya eky’oweebyokwerinda nti okunoba ewa Mwanje kya kyavuddeko okusaddaaka omwana.

More From The Author

Emboozi z’omuwandiisi endala

Emboozi endala

Kola 220x290

Leero mu mboozi y'omukenkufu, tukulaze...

OKUFAANANAKO Vanilla, abantu bangi baalima Moringa naye oluvannyuma ne bamutema yenna bwe baabulwa akatale era...

Abazibizi bayambye KCCA okusigala...

ABAZIBIZI ba KCCA okuli Peter Magambo ne Filbert Obenchan beetisse olunaku oluvanyuma lw'okuteebera ttiimu yaabwe...

Af09802412db404ba5f90092737e343c 220x290

Beeraze eryanyi mu mpaka za ddigi...

Bannayuganda bababuusizza 'ebibanda' mu mpaka za ddigi e Busiika

8501711138333059433538208315854187468423168o 220x290

Munnayuganda Joshua Cheptegei amenye...

Munnayuganda Joshua Cheptegei amenye likodi y'ensi yonna

Writer 220x290

Omusajja yeetugidde ku buko!

OMUSAJJA agenze ku buko mukyala we gw’alinamu abaana mwenda gye yanobera ne yeetugira ku muti.