TOP

Gavumenti eyise Putin owa Russia ku kulayira

By Joseph Makumbi

Added 10th May 2016

Omukolo gujja kuggulwawo n’okwogera kwa ssentebe w’akakiiko k’ebyokulonda, Ying. Badru Kiggundu ng’ayanjulira abantu Pulezidenti eyawangula akalulu akaakubwa nga February 18.

Putin 703x422

Pulezidenti Putin

ABAKULEMBEZE b’amawanga 13, be basuubirwa okwetaba ku mukolo gw’okulayiza Pulezidenti Museveni ku Lwokuna nga May 12.

Abakulembeze abaayitiddwa okubeerawo kuliko; Robert Mugabe owa Zimbabwe, Jacob Zuma owa South Afrika, Teodoro Obiang Nguema Mbasogo owa Equatorial Gueinea, Kabaka Letsie III owa Lesotho, Salva Kiir Mayardit owa South Sudan, Pombe Magufuli owa Tanzania, Ibrahim Boubacar Keïta owa Mali, Faure Gnassingbé owa Togo, Idriss Déby owa Chad, Mulatu Teshome owa Ethiopia, Kabaka Mswati owa Swaziland, Xi Jinping owa China, Muhammadu Buhari owa Nigeria, ne Vladimir Putin owa Russia.

Okusinziira ku Frank Tumwebaze Kajiji, minisita w’ensonga z’Obwapulezidenti ne Kampala eyayanjudde enteekateeka z’omukolo guno yagambye nti, amawanga okuli Rwanda, India, Japan, Girimaani zigenda kuweereza abakungu okuva mu Gavumenti era nga basuubira n’ababaka okuva mu Gavumenti eziri mu mukago gw’obuvanjuba bwa Afrika n’abaliko ba Pulezidenti nga Ali Hassan Mwinyi owa Tanzania ne Mwai Kibaki owa Kenya.

Tumwebaze yagambye nti, omukolo gugenda kutandika ku ssaawa 1:00 ey’oku makya abagenyi abayite batandike okutuuka okuli n’ababaka ba Palamenti abakadde n’abapya ne bannabyabufuzi bonna okuli n’abavuganya ku bwapulezidenti omuli ne Dr. Kizza Besigye ne bannaddiini.

Pulezidenti Museveni ne mukyala we Janet Kataha Museveni baakutuuka ku ssaawa 4:40 ez’oku makya abagenyi bonna nga bamaze okutuuka ne Ssaabalamuzi Bart Katureebe agenda okukulemberamu omukolo ng’amaze okutuuka.

Omukolo gujja kuggulwawo n’okwogera kwa ssentebe w’akakiiko k’ebyokulonda, Ying. Badru Kiggundu ng’ayanjulira abantu Pulezidenti eyawangula akalulu akaakubwa nga February 18.

Ajja kuyita Ssaabalamuzi okulayiza Pulezidenti omulonde era olunaamala okulayizibwa Ssaabalamuzi ajja kulaga w’alina okuteeka omukono ku birayiro.

More From The Author

Emboozi z’omuwandiisi endala

Emboozi endala

Drssempangieyasingaanidwamumakagenanyonyolawebuse 220x290

Abaana Abakaramoja basomesebwe...

Ssempangi awabudde gavumenti ku baana b’e Karamoja abasibira ku nguudo n’ategeeza nga bwe batundibwa abazadde okujja...

Chozenbeckyclearwebuse 220x290

Abayimbi beesunga kusanyusa badigize...

Abayimbi ab'amannya bali mu kuwawula maloboozi olw'okwesunga okuyimba mu Kyepukulu ekiwagiddwa Vision Group ne...

Lukiikombalirira7 220x290

Buganda eyisizza embalirira yaayo...

OBWAKABAKA bwa Buganda buyisizza embalirira y’Omwaka 2019/2020 ng’eno ya nsimbi 121,079,490,880/- nga kweyongera...

Samba 220x290

Omusika atunze ebiggya ku 1500/=!...

PULOFEESA Kiwanuka Ssemakula amaziga gaamuyunguse bwe yatuuse ku butaka gy’asibuka ng’amalaalo ga kitaawe gaatundibwa...

Kub2 220x290

Gavt. esiimye ebitongole ebisikiriza...

Gavt. esiimye ebitongole ebisikiriza abavubuka okuyingira obulimi n’obulunzi