TOP
  • Home
  • Amawulire
  • Poliisi eboye empapula z'okulangirira Besigye ku bwa Pulezidenti

Poliisi eboye empapula z'okulangirira Besigye ku bwa Pulezidenti

By Musasi wa Bukedde

Added 10th May 2016

Empapula zino zibadde ziraga nti Besigye yawangula akalulu n’ebitundu 52 ate Museveni 44,kubaddeko n’ebigambo ebigamba nti “ we worn we were not declared ,we were denied to go to court,our audit demand not listened to,Swearing in is here” n’ebirala bingi.

Fdc2 703x422

Empapula ezaakwatiddwa nga zisibiddwako ng'ebizibiti

BYA RONALD MUBIRU

Poliisi ezinzeeko ekitebe kya FDC e Najjanakumbi n’ebalemesa okukuba empapula ezibadde zigenda okukozesebwa mu kulangirira Dr. Col. Kizza  Besigye ku bwa Pulezidenti bwa Uganda nga 12 May 2016 ku Lw’okunna mu kisaawe e Nakivubo.  

Bino bibaddewo ku ssawa emu ey’okumakya poliisi ng’ekulembeddwamu Andrew Kaggwa adduumira poliisi mu Kampala South ne basajja be bwe bazinzeeko w’offiisi za FDC n’etandika okwaza buli wamu okutuusa lw’egudde ku kisenge mwesanze omusajja Sperito Mpuuga ng’ali ku mulimu gw’okulaba ng’akuba empapula ezirangirira obuwanguzi bwa Besigye.

Empapula zino zibadde  ziraga nti Besigye yawangula akalulu n’ebitundu 52 ate Museveni 44,kubaddeko n’ebigambo ebigamba nti “ we worn we were not declared ,we were denied to go to court,our audit demand  not listened to,Swearing in is here” n’ebirala bingi.  

kyuma ekibadde kikozesebwa mu kukuba ebiwaandiiko ekisangiddwa mu sitoowa ya Ekyuma ekibadde kikozesebwa mu kukuba ebiwaandiiko ekisangiddwa mu sitoowa ya FDC

 

 Mu kizimbe omubadde mukolerwa emirimu gino musangiddwamu ekyuma ekibadde kikozesebwa okukuba empapula zino n’obutiba  wamu n’ebibokisi by'empapula ezibadde zirindiridde okukubwa.

Empapula zino zasangiddwa nga zikwekeddwa mu ngalama wagulu n’obutiba obubadde bukozesebwa gye zibadde zigenda okuggibwa batandike okuzigabira abantu mu bitundu by’eggwanga ebyenjawulo.            

Mu kwaza kuno poliisi ekutte abassajja babiri okuli Sperito Mpuuga abadde akola omulimu gw’okukuba empapula zino ne Bonefance Lokoli ng’ono abadde akola ng’omukuumi ku kitebe kya FDC e Najjanakumbi babayambeko okwongera okufuna obujulizi bane ababadde emabega we kintu kino.            

Andrew Kaggwa addumira poliisi mu Kampala south akakasizza nga bwe bamazze ebanga baketta ebikolebwa ku kitebe kya FDC wabula Leero bagudde ku mpapula eziraga nti akalulu kabibwa ate endala nga ziyita abantu bagende mu bungi e Nakivubo nga 12.  

 Andrew ategezezza nti bagenda kwongera okukola okunoonyereza okwamaanyi okuzuula abanene mu FDC ababadde emabega we kintu kino  nabo bakwatibwe.

“Kuno kulya mu nsi lukwe kubanga bamala dda okulangirira Pulezidenti Museveni era tugenda wa Ssabawambi wa gavumenti etubuulire ekituufu eky’okukolera abakwatiddwa” Andrew Kaggwa bwategezezza.

More From The Author

Emboozi z’omuwandiisi endala

Emboozi endala

Malawo 220x290

Agula emmaali y’omufu mu bukyamu...

WADDE okufa tteeka naye kino tekikugaana kukola nnyo obeereko ebyobugagga by’olekera abantu bo ssinga Katonda abeera...

Ssenga1 220x290

Njagala kutandika bulamu

NNINA siriimu era mmaze naye emyaka egiwera. Baze yafa ne nsigala n’abaana naye kati mpulira nnina okufuna omusajja...

Img20190117wa0028 220x290

Sipiika alagidde Katuntu okuyimiriza...

SIPIIKA wa Palamenti Rebecca Kadaga alagidde akakiiko ka COSASE akakubirizibwa Katuntu akabuuliriza ku mivuyo egyetobeka...

Soma 220x290

Abatuuze katono batte be balumiriza...

ABATUUZE ku kyalo Kiryamuli mu Ggombolola y’e Gombe mu disitulikiti y’e Wakiso bakkakkanye ku basajja babiri abagambibwa...

Panda 220x290

Maneja Kavuma ayagala Abtex amuliyirire...

Olutalo lw’abategesi b’ebivvulu, Musa Kavuma (KT Events) ne Abby Musinguzi amanyiddwa nga Abtex lusituse buto....