TOP

Eyabba emmotoka ya Mirundi alonkomye b’abba nabo

By Musasi wa Bukedde

Added 13th May 2016

Omusango gw’okubba takisi Tamale Mirundi yaguggulawo ku fayiro nnamba SD: 37/05/12/2015 ku poliisi e Mulago.

Mirundicar1 703x422

Frank Mugisha avuuga emmotoka eziba zibbiddwa okutuuka e Busia ku nsalo.

Bya SHAMIRAH NABIDDO

DDEREEVA eyaluse olukwe okubba takisi ya Tamale Mirundi ne yeekukuma, omwanawe afudde kibwatukira ne bamukwata ng’azze okuziika era oluvuddeyo n’alonkoma banne banyaga nabo

Mu December w’omwaka oguwedde, Moses Ssebandeke yabuzaawo takisi nnamba UAX 203B eyali emuweereddwa nga ddereeva ne yeekukuma, kyokka yavuddeyo ng’omwana we afudde n’abuulira poliisi engeri gye banyagamu mmotoka ne bazitunda e Kenya n’amawanga amalala n’ababuulira ne banne baabadde anyaga nabo.

Omusango gw’okubba takisi Tamale Mirundi yaguggulawo ku fayiro nnamba SD: 37/05/12/2015 ku poliisi e Mulago.

 akim ali ku kkono ne oseph anyezaki Hakim Sali (ku kkono) ne Joseph Banyezaki.

 

Be yaloopye kuliko; Keiru Mutwalibu ddereeva wa takisi mu Kisenyi, Steven Kaka eyali akolera ku payini ewa Sebuufu, Brain Wandera eyeeyise omusomesa e Kenya ng’abeera ku nsalo e Busia ng’emmotoka ze babba y’azinoonyeza akatale e Kenya n’okusasula ababbi.

Mu kunoonyereza kwa poliisi yakutte ne Joseph Banyenzaki, eyabbye emmotoka ya Benson Kabaleme ow’e Kannungu, nga baagibbidde Mbarara ne babakwatira e Busega mu Kampala. Joseph Banyenzaki mutabani wa George Banyenzaki omubalirizi w’ebitabo e Mbarara nga guno mulundi gwakubiri nga bamukwatira mu bubbi bw’emmotoka.

Omulundi ogwasooka yabba kabangali ya kitaawe UAP 512G nga poliisi yagizuula emaze okuyingira e Kenya. Banyenzaki bwe yakwatiddwa yategeezezza nti abba ne mukwano gwe Hakim Ssali.

Akulira okunoonyereza ku buzzi bw’emisango ku poliisi y’e Mulago, Moses Bumba yagambye nti ekibinja kino kinene ng’obukodyo bwe bakozesa bwe bumu nga n’emmotoka ze babba basinga kuzitunda Kenya n’amawanga ag’omuliraano.

More From The Author

Emboozi z’omuwandiisi endala

Emboozi endala

Dham 220x290

Embeera y’omubaka Dhamuzungu yeetaga...

Omubaka Dhamuzungu asimattuse okufiira mu kabenje k’e mmotoka, embeera ye yeetaga kusabira.

Aidslogo 220x290

Najeemera ebiragiro by’abasawo...

Asiah Tusingwire mulwadde wamukenenya. Yejjusa lwaki teyagoberera basawo kye baamugamba eky’okumira eddagala okusobola...

Muddo1 220x290

Okulunda kugatteko okulima omuddo...

Asiimwe ye nnannyini ffaamu ya Itungo Farm esan­gibwa ku kyalo Kyoga mu Wakiso ng’etudde ku yiika ssatu n’ekitundu...

Lusuku1 220x290

Endabirira y’olusuku mu biseera...

OLUVANNYUMA lw’okukozesebwa ebbanga eriwerako nga sirina kye nganyuddwaamu nabivaako ne mpangisa ekibanja ne nnima...

Nucafe 220x290

Abalimi b’emmwaanyi babakuutidde...

KAWEEFUBE w’okutumbula okulima emmwaanyi mu ggwanga aba aBi bakwatagangye n’ekibiina ekigatta abalimi b’emmwaanyi...