TOP
  • Home
  • Amawulire
  • Eyabbye amatooke bamukutte ne bye yabba mu kkanisa

Eyabbye amatooke bamukutte ne bye yabba mu kkanisa

By Musasi wa Bukedde

Added 17th May 2016

Poliisi y’e Mukoko ng’ekulembeddwaamu Cpl. Mirian Oge, yakkakkaanyizza embeera, Ssewanyana n’abatwala mu maka ge e Matanga mu kufuuza, baazudde ebikompe n’engoye z’obusumba Rev. John Byanyimba ow’ekkanisa y’e Mukoko ababbi gye baamenya mu January w’omwaka guno ne babbamu ebintu.

Casock1 703x422

Rev. Byanyimba (Owookubiri ku ddyo), ng’alaga engoye z’ekkanisa ezabbibwa.

Bya JOHN BOSCO SSERUWU

OMUSUUBUZI eyakwatiddwa olw’okubba amatooke, abatuuze bamukubye ne bamwogeza gy’atereka ebibbe ne basangayo ekikompe n’engoye z’ekkanisa ezabbibwa.

Charles Ssewannyana, omusuubuzi w’amatooke e Mpugwe mu Masaka, abatuuze b’e Kasebuti e Bukulula mu Kalungu baamwekengedde ng’avuga bodaboda ng’amatooke gawandagala ne basalawo okumuwondera.

Abatuuze nga bakulembeddwaamu ssentebe wa LCI, Julius Mujuzi baafunye pikipiki ne bamugoba nga kwe batadde n’okukuba enduulu, era abatuuze baamuzingizza ne Mike Katongole eyabadde avuga.

 sewanyana eyakwatiddwa Ssewanyana eyakwatiddwa.

 

Baababuuzizza gye baabadde baggye amatooke agaabadde gagwa mu kkubo nga tebafaayo kugalonda ne balemwa okubabuulirayo era wano we baatandikidde okubakuba.

Poliisi y’e Mukoko ng’ekulembeddwaamu Cpl. Mirian Oge, yakkakkaanyizza embeera, Ssewanyana n’abatwala mu maka ge e Matanga mu kufuuza, baazudde ebikompe n’engoye z’obusumba Rev. John Byanyimba ow’ekkanisa y’e Mukoko ababbi gye baamenya mu January w’omwaka guno ne babbamu ebintu.

Mu bizibiti ebirala ebyazuuliddwa mulimu, emifaliso, ttivvi, eggaali, engoye, obutebe bwa pulasitiika, bbaatule z’emmotoka, ppaasi nga byonna byatikkiddwa ku mmotoka ne bitwalibwa ku poliisi y’e Mukoko. Cpl. Ogen yagambye nti Ssewanyana baamusanze n’ekisawo nga kijjudde ebyuma ebyeyambisibwa mu kumenya amakufulu n’agamba nti poliisi ekyamunoonyerezaako.

More From The Author

Emboozi z’omuwandiisi endala

Emboozi endala

Ony 220x290

Abapoliisi abalabikidde mu katambi...

Poliisi ekutte basajja baayo bana abalabikidde mu katambi nga batulugunya omuvubuka wa 'people power' e Kajjansi...

Cho 220x290

Chozen Blood ayabulidde ekibiina...

Chozen Blood ayabulidde ekibiina kya 'Team No Sleep' agamba ebintu tebitambudde bulungi.

Kirumiranew5 220x290

OKUTTA KIRUMIRA: Basonze olunwe...

AMAGYE geekenneenyezza obujulizi ku kutemula Kirumira ne bagattako ne bye bakung'aanyizza mu bantu abaasoose okukwatibwa...

Pana1 220x290

Engeri gye nnonda engoye ezinnyumira...

Bino yabinnyonnyodde PATRICK KIBIRANGO. “Bye nnyambala nfuba okulaba nga bigendera ku kikula ky’omubiri gwange....

Ta 220x290

Engeri gy’olabirira enviiri ezitaweza...

ABAKYALA n’abawala bafaayo okulabirira enviiri zaabwe, kubanga zikola kinene ku ndabika y’omukyala. Ku bakyala...