TOP

Omugole eyaggya omuliro afudde

By peter ssaava

Added 19th May 2016

Grace Nyanzi Nabuule, muka Paasita Joseph Nyanzi, owa Excellent Church e Nansana, baamwokedde mu nju mu kiro ky’Olwokuna lwa wiiki ewedde mu Ochieng Zooni e Nansana n’atwalibwa mu ddwaaliro e Mulago gye yafiridde eggulo.

Mugole1 703x422

Omusumba ne mukyala we ku mbaga.

Bya PETER SAAVA

ABENG’ANDA za muk’omusumba w’e Nansana eyayokeddwa mu nju wiiki ewedde, bakukkulumidde poliisi nti omuntu waabwe afudde terina kya maanyi ky’ekozeewo ku kuyigga batemu.

Grace Nyanzi Nabuule, muka Paasita Joseph Nyanzi, owa Excellent Church e Nansana, baamwokedde mu nju mu kiro ky’Olwokuna lwa wiiki ewedde mu Ochieng Zooni e Nansana n’atwalibwa mu ddwaaliro e Mulago gye yafiridde eggulo.

Mu kusaba okwabadde ku kkanisa ya bba eggulo, omusumba Steven Musisi, omu ku booluganda lw’omugenzi, yagambye nti ensonga z’okwokya Grace, poliisi ezikutte mu ngeri etematiza.

 musumba wakati ngakaabira mukyala we u ddyo ye musumba ondo Omusumba wakati ng’akaabira mukyala we. Ku (ddyo) ye musumba Mondo.

 

Yagambye nti ekisooka beekunya nga bayitiddwa okuzikiriza omuliro ate n’omuntu waabwe bukya agenda ku kitanda, atuuse kufa nga tewali ky’amaanyi poliisi ky’ekozeewo ku kuyigga abaamwokya.

Yawagiddwa musumba munne, Joseph Lwanyaga eyagambye nti oluvannyuma lwa poliisi y’e Kawempe okujja ng’omuntu waabwe amaze okwokebwa, baagibuuza ku ngeri gy’egenda okukwatamu omusango, n’ebajuliza poliisi y’e Nansana kwe yagatta okubalabula obutagipakusa wabula bagikwate na bwegendereza.

“Omuntu waffe atuuse kufa nga teri kimmuka kuva eri poliisi era tetuli bamativu,” bakira abasumba bwe bakkaatiriza. Grace, abadde akola mu Pope Paul Memorial Hotel mu Ndeeba, waakuziikibwa leero ku ssaawa 8:00 ez’olweggulo e Kapeeka mu disitulikiti y’e Nakaseke.

Wagenda kusookawo omukolo gw’okusaba ku Excellent Church ogusuubirwa okukulemberwa Omusumba Robert Kayanja.

More From The Author

Emboozi z’omuwandiisi endala

Emboozi endala

Nwagi 220x290

Amazina n’ennyambala bizaalidde...

Amazina n’ennyambala Winnie Nwagi bye yayolesezza mu ndongo y'abayizi bimuzaalidde akabasa. Yeetondedde abazadde...

Kaputeeniwacranesonyangongaatonerakatikkiroomujoozigweyazannyiddemumuafcon1webuse 220x290

Abalina ebitone mukozese omukisa...

Abazannyi abalina kye mwekoledde muyambe ne bannammwe okwekulaakulanya nga bwe muteeka Uganda ku maapu

Naabagerekangaasomesaabaanamukisakaatewebuse 220x290

Abazade baakusomesebwa engeri y'okuyamba...

Okutendeka omwana mu Kisaakaate ate n'adda eka ng'abazadde tebamanyi ngeri ya kubalambikamu kubeera nga kwoza n'oyanika...

Yawenemunnengabakongolaenkoko1webuse 220x290

Mu kusala enkoko mwe ntandise bizinensi...

Emirimu gye nayitanga egy'abacaafu n'abataasoma mwe nfunye ssente ezinnyambye okutandika bizinensi endala n'okwetuusaako...

Annotation20190722173519 220x290

Banjoman muto wa Bobi Wine alina...

Banjoman muto wa Bobi Wine alina ke yeekoleddewo