TOP
  • Home
  • Masaka
  • Ow’emyaka 95 atambuza bigere okulamaga e Namugongo

Ow’emyaka 95 atambuza bigere okulamaga e Namugongo

By Ssennabulya Baagalayina

Added 20th May 2016

Abalamazi baagambye nti baakatambulira ennaku munaana nga basuubira wiiki ejja w’ennaaggweerako nga batuuse e Namugongo.

Pilgrim 703x422

Bya S. Baagalayina

EKIMU ku bibinja by’Abalamazi abatambuza ebigere okuva e Bushenyi kituuse e Lukaya mu Kalungu nga boolekedde Namugongo okwetaba ku lunaku lw’Abajulizi ba Uganda olw’okubaawo nga June 3.

Abalamazi olwatuuse e Lukaya baagenze mu klezia ya St. Jude ne basoma mmisa ng’omuzeeyi ow’emyaka 95, Benard Tibyangye ye yasinze okucamula abantu olw’okutambula olugendo n’atafuna nkenyera yonna.

Abalamazi baagambye nti baakatambulira ennaku munaana nga basuubira wiiki ejja w’ennaaggweerako nga batuuse e Namugongo.

Jovita Busingye eyakulembedde abalamazi yagambye nti, baasimbula abantu 14, nga bonna bakyali balamu bulungi.

Tibyangye yategeezezza nti gu no mulundi gw’okusatu ng’alamaga e Namugongo ku bigere n’agamba nti kino akisobodde kuba yeekiririzaamu nti olugendo alusobola.

“Bwe nnalaba nga mmazeeko omulundi ogusooka nakkiriza nti ddala nnina embavu. Nnasalawo okwebonereza ng’Abajulizi bwe beewaayo ne battibwa ate n’okwebaza Katonda okumpangaaza nga ndi mulamu bulungi,” Tibyangye bwe yakkaatirizza.

Abalamazi abalala baalaze obuvumu nti we baatuukidde e Lukaya ng’ebigere tebinnazimba ate nga tebalina nkenyera yonna mu mibiri ddala bajja kutuuka e Namugongo nga balamu basobole okwetaba mu mmisa ey’ekitiibwa ku lunaku lw’Abajulizi.

More From The Author

Emboozi z’omuwandiisi endala

Emboozi endala

Story 220x290

Bamukubye kalifoomu ne bamuwamba...

POLIISI y'omu Bbuto ekisangibwa e Bweyogerere mu munisipaali y'e Kira eronze omuwala Joan Nagujja (32) mu kiwonvu...

Wanika1 220x290

'Okusomesa abaana eddiini kye ky'okulwanyisa...

AKULIRA yunivasite y’Abasiraamu asabye Bannayuganda okukosomesa abaana eddiini ng’ekyokulwanyisa okumalawo ebikolobero...

Card1 220x290

Kiki ekifuna sizoni eno?

Obadde okimanyi nti ku 40,000/= osobola okutandika bizinensi ya Success Cards ne wenogera ensimbi?!

Uneb3 220x290

Ebigezo by'e Mbarara byatuukidde...

Ebigezo bya S4 ebya UCE byatuusidwa ku Poliisi y'e Mbarara nga bikuumibwa butiribiri abaserikale ba miritale...

Exams3 220x290

Ebibuuzo bya UCE 2019 bitandise...

Ebibuuzo bya S4 bitandise na kigezo kya Physics Practicals.