TOP
  • Home
  • Amawulire
  • Omuliro gusaanyizzaawo bya bukadde mu ssomero lya Kitebi S.S

Omuliro gusaanyizzaawo bya bukadde mu ssomero lya Kitebi S.S

By Vivien Nakitende

Added 23rd May 2016

OMULIRO gukutte essomero lya Light SS e Kitebi ne gusaanyawo ebintu byabayizi.

Liro1 703x422

Ssentongo ng’alaga ekizimbe ekyayidde.

OMULIRO gukutte essomero lya Light SS e Kitebi ne gusaanyawo ebintu byabayizi.

Ekizimbe okuli sitoowa ne kompyuta kye kyakutte omuliro ne muggyiramu emifaliso gy’abayizi egisoba mu 100, kkeesi zaabwe ze baaleka baterese nga bagenze mu luwumula omwabadde engoye n’ebitabo.

Ssaalongo Frank Ssentongo, akulira ebyensoma ku ssomero lino yagambye nti omuliro gwakutte ku ssaawa 11.00 era tebannamanya kwe gwaavudde.

 

Omutuuze eyabadde ayita okumpi n’essomero ye yalabye omuliro guno n’akuba enduulu eyazuukusizza omukuumi ne bakubira ne poliisi ezikiriza omuliro.

Kyokka yagenze okutuuka ng’ekizimbe kisaanyeewo. Bateebereza nti omuliro guno gwandiba nga gwavudde ku masannyalaze oba nga waliwo ow’ettima eyayokeredde essomero ne basaba poliisi okukola okunoonyereza okuzuula ekituufu.

 

Abayizi ababeera okumpi baayanguye okutuuka ku ssomero kyokka baasanze ebintu byabwe byonna bimaze okusaanawo.

Abasinga obwedda bakaabira ebitabo byabwe kuba bali mu S4, ne bagamba nti baabadde tebamanyi waakugya bitabo kuba obudde obusigaddeyo okukola ebibuuzo butono ddala.

 

Abayizi n’abazadde we bwazibidde nga bakyagenda ku ssomero okukakasa ekituuse ku bintu byabwe.

Ssaalongo Ssentongo yagambye nti bagenda kukolagana ne poliisi okuzuula ekyavuddeko omuliro guno n’asaba abazadde n’abayizi okubeera abakkakkamu.

More From The Author

Emboozi z’omuwandiisi endala

Emboozi endala

Annotation20190718192802 220x290

Okwogera kwa Pulezidenti Museveni...

Okwogera kwa Pulezidenti Musevebni eri eggwanga. Tuli mu maka g'Obwapulezidenti e Nakasero

Massagebeingdonewebuse 220x290

By'olina okutunuulira nga tonnakola...

Nakola masaagi ne ntemwako okugulu era ntambulira mu kagaali - Dr. Karuhanga

Omukubayizingalikobyanyonyolawebuse 220x290

Abawala abazaddeko mubazze mu masomero...

Abawala abazaddeko okudda mu masomero kyakuyigiriza abalala obutakola nsobi n'okubudaabuda abafunye obuzibu bwe...

Teekawo1 220x290

Akakiiko ka bannamateeka kasazizzaamu...

OLUKIIKO olufuzi olwa bannamateeka ba Uganda Law Society olukwasisa empisa lusazizzaamu ekibonerezo ky'emyaka ebiri...

Club 220x290

Vipers bagitutte mu kkooti lwa...

KIRAABU ya Vipers bagitutte mu kkooti lwa kukozesa akabonero kaayo (logo) nga tebasasudde yakakola. Era eyabawawaabidde...