TOP
  • Home
  • Amawulire
  • UPDF ewakanyizza kkooti ku bya Sejusa okuva mu magye

UPDF ewakanyizza kkooti ku bya Sejusa okuva mu magye

By Alice Namutebi

Added 30th May 2016

EGGYE lya UPDF litegeezezza nti ligenda kujulira ku nsala ya kkooti eyakkirizza Gen. David Sejusa okuva mu magye.

Seju57044691 703x422

Gen. David Sejusa

EGGYE lya UPDF litegeezezza nti ligenda kujulira ku nsala ya kkooti eyakkirizza Gen. David Sejusa okuva mu magye.

Omwogezi wa UPDF Lt. Col. Paddy Ankunda yategeezezza nti amagye gateekateeka kujulira kubanga tegakkaanya na nsala eyakoleddwa ku Lwomukaaga. “Tuli bennyamivu nnyo olw’ensala y’omusango gwa Gen. Sejusa.

Ensala yabaddemu ensobi nnyingi era tulina enteekateeka eyeeyongerayo mu kkooti ejulirwamu,” Lt. Col. Ankunda bwe yategeezezza.

Kino kiddiridde Omulamuzi Margret Oguli owa kkooti enkulu okusala omusango, Sejusa gwe yawaaba ng’awakanya okumugaana okuwummula amagye so nga tebamuwa musaala n’ebintu ebigenderako, talina mulimu gwe bamutuma era baamuggyako emmundu n’ebyambalo.

Omulamuzi Oguli yasazeewo nti Gen. Sejusa takyali mu UPDF era amagye galina okumuwa ebbaluwa ekakasa nti yagannyuka.

Ku nsala eno, Omulamuzi Oguli kwe yagasse n’okulagira gavumenti okuliyirira Sejusa obukadde 750 olw’okumuswaza n’okumuyisaamu amaaso bwe baamukwata ne bamusindika mu kkomera e Luzira.

Gavumenti era yalagiddwa okusasula Sejusa omusaala gwe gwonna gw’abadde tafuna okumala omwaka mulamba n’omusobyo n’akasiimo nga bamuteereddemu amagoba ga bitundu 20 ku 100.

Looya wa Sejusa, David Mushabe yagambye nti ensala y’omulamuzi Oguli esazizzaamu n’emisango gyonna egyamuggulwako kubanga abadde avunaanibwa ng’omujaasi ate nga kati kkooti esazeewo nti takyali.

Guno gubadde mulundi gwakubiri nga Sejusa asaba okunnyuka obujaasi. Omulundi ogwasooka mu 1996, Sejusa yagezaako okusaba okuwummula obujaasi kyokka n’agaanibwa.

Yaddamu okuwaayo okusaba kwe nga December 30, 2014 kyokka ne batamuddamu ekyamuwaliriza okugenda mu kkooti.

More From The Author

Emboozi z’omuwandiisi endala

Emboozi endala

Katikkiromayigangaalinaboogezibokumikoloabeetabyekumukologwoluwalokubulanekulwokubiri002webusenu 220x290

Katikkiro Mayiga abakubirizza okunnyikiza...

Katikkiro wa Buganda, Charles Peter Mayiga akubirizza Ab'e Buluuli ne Ssese okunnyikiza obulimi kubanga teri mulimu...

Manya 220x290

Abakazi abasinga tebamalaamu kagoba...

Abakazi emirundi 6 ku 10 gye beegatta mu kaboozi tebatuuka ku ntikko. Wabula babuulire kwekoza nga abamazeemu akagoba....

Saalwa703422 220x290

Teddy ayanukudde Bugingo ku bya...

TEDDY Naluswa Bugingo ayanukudde bba Paasita Aloysius Bugingo ku kya ffiizi z’abaana ne ssente.

Florencekiberunabalongowebuse 220x290

Alina olubuto lw'abalongo ne by'olina...

Abasawo balaze abalina olubuto olulimu omwana asukka mu omu bye balina okukola obutabafiirwa nga tebannazaalibwa...

Research1 220x290

Ebizibu ebibeera mu kutambuliza...

ABATANDIKA omukwano ekimu ku birina okwewalibwa ku kugutambuliza mu kweteeka mu butaala ate nga si bwoli.