TOP
  • Home
  • Bugwanjuba
  • Okuwulira omusango gw’omujaasi eyatta abantu 8 kutandise

Okuwulira omusango gw’omujaasi eyatta abantu 8 kutandise

By Ali Wasswa

Added 8th June 2016

OKUWULIRA omusango gwa L/ Cp. Moses Katwesigye avunaanibwa okutta abantu munaana ne baserikale banne babiri kutandise mu lutuula lwa kkooti y’amagye e Kihihi ng’ekulirwa Col. Geoffrey Mujuni.

Brings 703x422

Katwesigye (ku ddyo) ng’awozesebwa.

OKUWULIRA omusango gwa L/ Cp. Moses Katwesigye avunaanibwa okutta abantu munaana ne baserikale banne babiri kutandise mu lutuula lwa kkooti y’amagye e Kihihi ng’ekulirwa Col. Geoffrey Mujuni.

Kkooti eno etudde mu kitundu kyennyini e Kanungu omusango gye gwaddizibwa. Kigambibwa nti, Katwesigye yafuna obutakkaanya ne muganzi we Sarah Auma eyali yaakamaliriza okutendekebwa mu by’ekijaasi n’amukuba amasasi n’atta n’omuserikale L/Cpl. Byansi Serestino eyali agezaako okubataasa.

Ng’asimbiddwa mu maaso ga ssentebe wa kkooti eno, Col. Mujuni omuwaabi wa kkooti yategeezezza nti, nga April 21, 2016 omuwawaabirwa yakuba n’atta abantu munaana ng’ababiri baali bajaasi okuli n’eyali muganzi we.

Kigambibwa nti, omuwawaabirwa ng’amaze okutta mugazi we n’omuserikale omulala, yafuluma mu nkambi e Mburamizzi n’agenda ng’akuba buli muntu eyamusala mu maaso n’abalala be yasanga mu maka gaabwe.

Mu be yatta kwaliko Olivia Gumisiliza, Maria Musimenta, Shafik Tureyakira , Pofia Kyaasimire, Medard Byamukama ne George Gumushabe.

Ate be yalumya kuliko Emmanuel Barekye ne Frank Twangyeirwe nga bano bakyali mu ddwaaliro e Bwindi Mu kuggulawo kkooti eno, omubaka vwa Gavumenti Harriet Nakamya yategeezezza abantu abazze okwerabirako ng’omujaasi ono awozesebwa nti, omujaasi ono kye yakola yakikola ku lulwe era waakuwozesebwa ng’abamenyi b’amateeka abalala.

More From The Author

Emboozi z’omuwandiisi endala

Emboozi endala

Kib11 220x290

Ba Kansala ku district e Kiboga...

Ba Kansala ku district e Kiboga bakubye ebituli mu budget ya District

Capture 220x290

Emitimbagano gya Vision Group gyakuvaako...

Emitimbagano gya Vision Group okuli ogwa bukedde.co.ug ne newvision.co.ug gyakuggalawo ku wiikendi eno okutandika...

Br3 220x290

Ensonga za Brian White ez'okkabasanya...

Ensonga za Brian White ez'okkabasanya abaali abakozi be zisajjuse

Kit1 220x290

Engeri akasaawe k'e Mulago gye...

Engeri akasaawe k'e Mulago gye kaalera Jimmy Kirunda

Jit1 220x290

Afiiridde mu kibanda kya firimu...

Afiiridde mu kibanda kya firimu e Mukono