TOP
  • Home
  • Amawulire
  • Omwana abadde azannyisa ekibiriiti asanyizzaawo wooteri

Omwana abadde azannyisa ekibiriiti asanyizzaawo wooteri

By Musasi wa Bukedde

Added 10th June 2016

Omwana abadde azannyisa ekibiriiti asanyizzaawo wooteri

Li1 703x422

Poliisi ng’emalirizza okuzikiza omuliro.

OMWANA abadde azannya akoleezezza akabiriiti n’ayokya sitoowa ya wooteeri ebadde ejjudde essubi, ebibaddemu byonna ne bisaanawo. Omuliro guno gubadde ku wooteeri ya Kampala Inn esangibwa e Kabowa.

Okusinziira ku baabaddewo, omwana baababdde bamugambye kwokya kasasiro olwo ye n’abuzaabuzibwa n’akoleeza ssubi. Abatuuze baakubidde mangu poliisi y’e Kitebi essimu era agikulira Abbey Muwonge n’atuuka naye n’akubira banne aba poliisi ezikiza omuliro.

Abatuuze baasoose kwekolamu mulimu okutangira omuliro okusaasaanira amayumba malala era bakira bakozesa mazzi ge baabadde basena mu mwala oguliraanyeewo. Oluvannyuma poliisi ezikiriza omuliro yatuuse mu ssaawa emu kyokka n’esanga obuzibu okutuuka awaabadde omuliro wennyini olw’obutabaawo kkubo limala kuyisa mmotoka.

Godfrey Okobo eyakuliddemu abazikiza omuliro, yasabye abatuuze bulijjo bwe baba bazimba balenkengawo amakubo omuyita emmotoka olw’okwetegekera embeera ng’eyabadde awo.

Yagambye nti tewali ky’amaanyi kigenda kukolebwa kukunoonyereza kuba kyategeerekese nti omuliro gwakoleezeddwa mwana mu butanwa.

Julius Asiimwe eyabaddewo ng’omuliro gukwata yategeezezza nti waabaddewo abakozi mu kkanisa ya Victory Center eriraanye wooteeri abaabadde baanika essubi okuva mu sitoowa nga baagala balibikke ku matoffaali kyokka ate nga baliko ne kasasiro gwe baayoola n’atuumibwa.

Yategeezezza nti oluvannyuma omu ku bakozi yatumye omwana ekibiriiti bookye kasasiro wabula ate omwana n’akoleezaamu ssubi ndowooza naye ng’amuyita kasasiro

More From The Author

Emboozi z’omuwandiisi endala

Emboozi endala

Standerdcharteredbankedduukiriddennaabagereka1webuse 220x290

Disitulikiti y'e Mubende y'esingamu...

Nnaabagereka Sylvia Nagginda avuddeyo okudduukirira abaana abazaala nga tebanneetuuka basobole okwanguyirwa ku...

Wamma 220x290

Abataka balabudde omusika okukomya...

ABATAKA n’emikwano gy’omugenzi Sekyene e Kanyanya batudde ne balabula omusika we okuyimiriza mbagirawo ekigendererwa...

Tujja 220x290

Omwoleso gw’ebyobulimi n’obulunzi...

OMWOLESO gw’ebyobulimi n’obulunzi gugenda mu maaso ku lubalama lw’omugga Kiyira mu munisipaali y’e Jinja.

Omubaka wa Palamenti aleppuka na...

ERNEST Kiiza Apuuli omubaka wa Masindi mu Palamenti, attunka n’omusango gw’ebbanja lya kkampuni ya R.L Jain Ltd...

Kab2703422 220x290

Omutindo gw'abasomesa gukyali gwa...

OMUTINDO gw’abasomesa mu pulayimale gukyali gwa kibogwe.