TOP

Bamuttidde mu bubbi n’aleka abaana 7

By Moses Lemisa

Added 11th June 2016

ABATUUZE b'e Mulago bazingizza omuvubuka eyayingiridde munnaabwe mu matumbibudde ne bamukuba emiggo egyamukkirizza ekaganga.

Mata 703x422

Kayondo bw’abadde afaanana. Kayondo nga bamwambazza ekipiira poliisi mwe yamusanze.

ABATUUZE b'e Mulago bazingizza omuvubuka eyayingiridde munnaabwe mu matumbibudde ne bamukuba emiggo egyamukkirizza ekaganga.

Wabula nga tannafa, baasoose kumwogeza banne b’abadde abba nabo.

Yunusu Kayondo 26, omutuuze w’e Mulago II mu Bakery Zooni abadde musazi wa bisumuluzo eby’enjawulo okuli kkufulu, mmotoka, pikipiki n'ebirala.

Abatuuze b'e Mulago mu Kiwonvu Zooni be baamukwatidde mu nju ya mutuuze munnaabwe ekiro ku ssaawa 8:00 oluvannyuma lw’okweggulira n’ayingira n’abbamu ssente 200,000/- n'essimu.

Mu nnyumba yasanzeemu maama w’abaana ate nga nnyinimu agenze kusuza bafiiriddwa.

Kayondo okukwatibwa nnannyini maka yafunye omukisa n’atuukira mukiseera kyennyini nga

Kayondo tannaba kumaliriza kubba n’akuba enduulu abatuuze ne bajja ne bataayiza Kayondo.

Baamwambazza ekipiira nga baagala okumuteekera omuliro. Oluvannyuma poliisi yazze n'emutwala n’emuggalira mu kaduukulu n’atwalibwa e Mulago gye yafiiridde.

Musa Mubiru, omu ku batuuze yategeezezza nti, abantu bangi e Mulago abazze bamenyerwa amayumba n'amaduuka ng'ababbi bakozesa bisumuluzo.

Yagasseeko nti Kayondo abadde n'ekibinja ky'abavubuka b’akolagana nabo n'abasalira ebisumuluzo ne banyaga abatuuze b'omu bitundu by'e Kawempe okuli Mpereerwe, Wandegeya mu Katanga, Bwaise, Kaleerwe, Kanyanya n'ebirala.

"Kayondo abadde muvubuka musirise nnyo nga kizibu omuteebereza nti mubbi. Naye abatuuze bwe baamukubye n’ayogera banne b’abba nabo”, Mubiru bwe yategeezezza.

Agamu ku mannya ge yayogedde kuliko; Geoffrey, Deogratious ne Musoke be yagambye nti, babeera mu Katanga. Yayongeddeko nti aba bodaboda ababavuga kuliko; Eric ne Dan.

Omugenzi yalese abaana 7. Yaziikiddwa ku Lwokuna.

More From The Author

Emboozi z’omuwandiisi endala

Emboozi endala

Drssempangieyasingaanidwamumakagenanyonyolawebuse 220x290

Abaana Abakaramoja basomesebwe...

Ssempangi awabudde gavumenti ku baana b’e Karamoja abasibira ku nguudo n’ategeeza nga bwe batundibwa abazadde okujja...

Chozenbeckyclearwebuse 220x290

Abayimbi beesunga kusanyusa badigize...

Abayimbi ab'amannya bali mu kuwawula maloboozi olw'okwesunga okuyimba mu Kyepukulu ekiwagiddwa Vision Group ne...

Lukiikombalirira7 220x290

Buganda eyisizza embalirira yaayo...

OBWAKABAKA bwa Buganda buyisizza embalirira y’Omwaka 2019/2020 ng’eno ya nsimbi 121,079,490,880/- nga kweyongera...

Samba 220x290

Omusika atunze ebiggya ku 1500/=!...

PULOFEESA Kiwanuka Ssemakula amaziga gaamuyunguse bwe yatuuse ku butaka gy’asibuka ng’amalaalo ga kitaawe gaatundibwa...

Kub2 220x290

Gavt. esiimye ebitongole ebisikiriza...

Gavt. esiimye ebitongole ebisikiriza abavubuka okuyingira obulimi n’obulunzi