TOP
  • Home
  • Agebwelu
  • ‘Bannaddiini muve ku by’omwoyo byokka muluhhanye ne ku byenfuna’

‘Bannaddiini muve ku by’omwoyo byokka muluhhanye ne ku byenfuna’

By Ali Wasswa

Added 13th July 2016

ABAKULEMBEZE b’eddiini mu ggwanga basiimiddwa olw’okujjumbira enkola ezigenderera okusitula ebyenfuna y’abantu nga balwanyisa obwavu.

Open 703x422

Kalisa (ku kkono), Bp. Mwesigwa nga basala akaguwa okuggulawo ettabi lya SACCO.

ABAKULEMBEZE b’eddiini mu ggwanga basiimiddwa olw’okujjumbira enkola ezigenderera okusitula ebyenfuna y’abantu nga balwanyisa obwavu.

Okusiima kuno kwabadde mu bubaka bwa minisita w’ensonga za Karamoja, Ying. John Byabagambi bwe yatisse omubaka w’e Ibanda, Jovline Kalisa Kyomukama eyamukiikiridde ku mukolo gw’okuggulawo ettabi lya SACCO mu kibuga Ibanda ku Lwokutaano.

Muky Kalisa yategeezezza nti bannaddiini tebalina kukoma ku kulyowa myoyo gyokka wabula n’okubaako engeri gye baluh− hamya abantu mu kulwanyisa obwavu.

Yannyonnyodde nti olw’okwagala okulaba ng’abantu bava mu bwavu, Pulezidenti ky’avudde assa essira mu kulaba nga bbanka y’okwekulaakulanya Uganda Development Bank n’ebibiina by’obwegassi byongerwamu amaanyi n’okulaba nga bbanka y’obwegassi eya Cooperative Bank eddawo.

Muky. Kalisa yasiimye omulabirizi wa Ankole, Dr Sheldon Mwesigwa okutandika enkola y’okulaba ng’abatuuze batandikawo SACCO.

Omulabirizi mu kwogera kwe yeebazizza bakulembeze banne olw’okubeerawo kyokka n’awabula nti ekisinze okusuula SACCO be bakulembeze abadda ku nsimbi eziterekebwa bammemba ne bazeekomya.

Yategeezezza nti musanyufu olw’okuba bukya yatandikawo nkola ya kulwanyisa bwavu okuyita mu nkola y’okutereka n’okwewola, Pulezidenti yabasuula omukono n’obukadde 300 okutambuza enkola eno.

Minisita Byabagambi ne Muky. Kalisa buli omu yawaddeyo obukadde 3 okugenda mu ggwanika lya SACCO.

More From The Author

Emboozi z’omuwandiisi endala

Emboozi endala

Npc03webuse 220x290

Abavubuka bayambibwe mu byobulamu...

Abavubuka basaana bayambibwe mu byobulamu basobole okwekuuma, okwejjanjabisa n'okumanyisibwa ebikwata ku byobulamu...

Coffeetree1webuse 220x290

Alina omusaayi omutono muwe amazzi...

Atalina musaayi kozesa bikoola bya mmwaanyi ofune ogukumala

Camavingajpg111 220x290

Ttiimu za Premier 3 ziswamye musaayimuto...

Camavinga, wa myaka 16 era ttiimu za Premier zigamba nti akacanga nga Paul Pogba.

Ssuubikazimba 220x290

Abakrisitaayo balabuddwa okulwa...

ABAKRISTAAYO balabuddwa okukomya okumala obudde bwonna mu masinzizo nga balindirira Katonda okubakolera ebyewuunyo...

Mbvsmpindi1web002web 220x290

Abembogo beewaanye bwe bagenda...

ABAWAGIZI n'abakungu be Mbogo beewanye nti "omunene asigala munene" oluvanyuma lwokukuba Empindi ggoolo 3-0 mu...