TOP
  • Home
  • Agawano
  • Meeya wa Kampala alaajanidde minisita: "Nnyabo sirina buyinza"

Meeya wa Kampala alaajanidde minisita: "Nnyabo sirina buyinza"

By Hannington Nkalubo

Added 13th July 2016

MEEYA wa Kampala Central, Charles Musoke Sserunjogi ne bakansala ku lukiiko lwe, beecwacwanye mu maaso ga minisita Beti Namisango Kamya nti ennaku gye balimu eyoza lumonde kubanga n’amazzi tebagabawa ate bateeseza mu weema nga batudde ku butebe bwa pulasitiika. Balaajanye nti tebatwalibwa nga bakulembeze.

Minista 703x422

Minisita Betty Namugwanya, Beti Kamya ne meeya Sserunjogi ne RCC wa Kampala, Sarah Bananuka mu lukuhhaana.

MEEYA wa Kampala Central, Charles Musoke Sserunjogi ne bakansala ku lukiiko lwe, beecwacwanye mu maaso ga minisita Beti Namisango Kamya nti ennaku gye balimu eyoza lumonde kubanga n’amazzi tebagabawa ate bateeseza mu weema nga batudde ku butebe bwa pulasitiika. Balaajanye nti tebatwalibwa nga bakulembeze.

“Omukulembeze w’omutima gwa Kampala ayinza atya okuteesa ng’atudde ku butebe bwa pulasitiika, laba emmeeza kwe babisse obutambaala ziringa za mu bbaala.

Tutuuka n’okusaba eccupa y’amazzi naye tewali agikuwa olw’okuba obuyinza bwonna buli wa Jennifer Musisi,” kansala Kikulwe Kaigo bwe yayogedde.

Baabadde bakyazizza minisita wa Kampala Beti Olive Namisango Kamya eyabadde ne minisita we omubeezi Betty Namugwanya n’abakungu okuva mu minisitule eno.

Bakansala baanyiize bwe baasabye basisinkanire minisita Kamya mu Zion Hotel kyokka ne babategeeza nti tewali ssente ne basalawo okubazimbira weema waggulu w’ekizimbe kyabwe.

Meeya Charles Sserunjogi yategeezezza Kamya nti tebasobola kwegulira kintu kyonna wadde okukola ku nsonga y’omutuuze eba egguddewo olw’ensonga y’obuyinza bwonna okuggyibwa wansi ne bwambusibwa waggulu.

Yagambye nti basaba n’ebyenfuna byabwe bitunulwemu kubanga tosuubira muntu kukola mirimu gy’abatuuze nga tazziddwaamu mannyi.

Minisita Beti Kamya yabaanukudde n’abategeeza nti ekimuggye mu ofiisi alambule Kampala kwe kumanya ensonga w’agenda okutandikira ku buli kintu.

N’ategeeza nti tewali bukulembeze butava eri Katonda era buli eyalondebwa n’ayita mu kalulu amussaamu ekitiibwa era ayagala bakolagane bulungi bonna.

Yagambye nti agenda kukakasa nti asisinkana buli muntu mu Kampala alina ensonga omuli aba bodaboda, ab’obutale, aba KACITA, abagagga n’abakolera ku nguudo.

Omubaka Mohammed Nsereko yategeezezza nti Kampala yeetaaga omuntu ayagaliza banne era akimanyi nti agenda kukolagana bulungi n’abakulembeze abafuga Kampala.

More From The Author

Emboozi z’omuwandiisi endala

Emboozi endala

Drssempangieyasingaanidwamumakagenanyonyolawebuse 220x290

Abaana Abakaramoja basomesebwe...

Ssempangi awabudde gavumenti ku baana b’e Karamoja abasibira ku nguudo n’ategeeza nga bwe batundibwa abazadde okujja...

Chozenbeckyclearwebuse 220x290

Abayimbi beesunga kusanyusa badigize...

Abayimbi ab'amannya bali mu kuwawula maloboozi olw'okwesunga okuyimba mu Kyepukulu ekiwagiddwa Vision Group ne...

Lukiikombalirira7 220x290

Buganda eyisizza embalirira yaayo...

OBWAKABAKA bwa Buganda buyisizza embalirira y’Omwaka 2019/2020 ng’eno ya nsimbi 121,079,490,880/- nga kweyongera...

Samba 220x290

Omusika atunze ebiggya ku 1500/=!...

PULOFEESA Kiwanuka Ssemakula amaziga gaamuyunguse bwe yatuuse ku butaka gy’asibuka ng’amalaalo ga kitaawe gaatundibwa...

Kub2 220x290

Gavt. esiimye ebitongole ebisikiriza...

Gavt. esiimye ebitongole ebisikiriza abavubuka okuyingira obulimi n’obulunzi