TOP

Katende: okikola otya?

By Musasi wa Bukedde

Added 14th July 2016

Sanyu Katende, 44, ow’e Najjera - Ntinda mwambazi w’abagole era nnannyini Ssanyu Katende Bridals ku kizimbe kya The Arcade.

Batya1 703x422

Katende

Sanyu Katende, 44, ow’e Najjera - Ntinda mwambazi w’abagole era nnannyini Ssanyu Katende Bridals ku kizimbe kya The Arcade.

lBakadde bange ye mwami Sizomu Katongole ow’e Kamuli mu Busoga n’omugenzi Grace Nabukeera. Batuzaala abaana 3 era nga ndi mwana waakubiri. Tetwakula nnyo na taata era ebiseera ebisinga twabimala ne maama e Nakawa gye yatukuliza.

l Yali mukyala mutetenkanya. Yasooka kubeera na saluuni ng’ayokya nviiri z’abakyala mwe yakuhhanya ku kasente n’ayingirira okutunda engoye mu Kiyembe.

l Pulayimale nagitandikira Nakasero naye P7 ne ngitulira ku Namugogo Girls mu 1986. Nneegatta ku St. Joseph’s Nsambya wabula saasobola kutuulirayo S4 kuba maama teyalina bulungi ssente zaayo. Yanziza e Katende gye natuulira S4 mu 1990.

l Okusoma kwakaluba kyokka n’asobola okumpeerera ku ttendekero lya Nakasero College of Business Studies ne nsomayo dipulooma ya myaka 2 olwamala ne nneegatta ku maama okukola.

NTANDIKA OKUKOLA

l Mu 1993 natandika okukola ne maama era ebbanga teryayita ppanvu ne ntandika okuntuma e Nairobi okusuubula ebitambala ne gomesi.

l Mu kukola kino, nafuba okulaba nga buli ssente maama ze yampangayo ng’akasiimo nga nzitereka. Ssente ze natereka zaawera era ng'enda okuzikeberako nga mpezezza 1,200,000/- era eno ye yali etandikwa yange ne mpagisa ekifo ku mitwalo 300,000/- ezaasigalawo ne nsuubulamu engoye.

l Maama bwe yafa mu 2007 , nakizuula nti nnali nnyinza okusala amagezi okwongera ku nnyingiza yange.

More From The Author

Emboozi z’omuwandiisi endala

Emboozi endala

Osire1 220x290

Bakutte abadde yeeyita dokita n'abba...

POLIISI eriko omusajja gw'ekutte abadde yeeyita omusawo mu ddwaaliro lya Kawempe National Refferal Hospital. Kigambibwa...

Gamba1 220x290

Eddy Kenzo akomyewo ku butaka:...

Eddy Kenzo akomyewo ku butaka: Bamwanirizza nga muzira

Mukadde1xx 220x290

Asobeddwa kibuyaga bw'asudde ennyumba...

Nanfuka agamba nti ennyumba yagudde ku Lwokusatu lwa wiiki ewedde mu nkuba eyatonnye ng’erimu ne kibuyaga

Bpmutebipix 220x290

Omulabirizi Lubowa akyalidde Mutebi...

E Bungereza yayaniriziddwa Abakristaayo ne Rev. Nathan Ntege. Mu maka ga Ntege Omulabirizi Mutebi ne mukyala we...

Tta 220x290

Poliisi erambuludde engeri gy'okufunamu...

OLUVANNYUMA lw’omugagga Ali Jabar okuyingira n’emmundu mu ddwaaliro lya Kampala Independent Hospital n’agikwasa...