TOP
  • Home
  • Agawano
  • ENSI EGUDDE EDDALU: Abakazi balowooleza batya mu ‘kuzaala’ abaana abazaalire!

ENSI EGUDDE EDDALU: Abakazi balowooleza batya mu ‘kuzaala’ abaana abazaalire!

By Musasi wa Bukedde

Added 24th July 2016

KYALI tekirabwanga abakazi ababiri okwesowolayo ne beesimba ku mwana omu ne bamukaayanira nti wange nze namuzaala ng’omulala bw’addamu nti, ‘nedda, nze namuzaala.’ Kyokka kati kino abakazi bakifudde mugano nga gwa nswa.

Batiza1703422 703x422

Tracy n’omwana we eyazuuliddwa. Ku ddyo ye Nakyanzi nnyina w;'omwana eyali abbiddwa

KYALI tekirabwanga abakazi ababiri okwesowolayo ne beesimba ku mwana omu ne bamukaayanira nti wange nze namuzaala ng’omulala bw’addamu nti, ‘nedda, nze namuzaala.’ Kyokka kati kino abakazi bakifudde mugano nga gwa nswa.

Anti abamu abaana baagala kubaggya ku bannaabwe, tebalina galumwa bisa na kwemenya kugenda mu leeba.

Bw’atyo ne Rose Nabulya bwe yakigwako, Noeline Namwanje bwe yeezinga ku mwana we n’amwekalizaako nti yamumubbako.

Namwanje yatandiikiriza mpola nga yeerogozza ng’omwana Rose Pamela Nannyomo bw’afaanana abaana be, gye byaggweera nga Nabulya aggaliddwa ku poliisi e Masaka ng’avunaanibwa ‘okubba’ omwana.

Abaffe, ensi tegudde eddalu? Ensi bw’egwa eddalu, abakazi beerabira nti okufuna omwana, olina kusooka kufuna lubuto n’olulera okumala emyezi mwenda be ddu olwo n’ozaala era ne bakukulisa nti ‘kawoneko.’

Naye abakazi bwe banaalindanga bannaabwe babazaalire, olwo bo bajje batandike okwewugguusa nti omwana wa gundi afaanana okuba owange, eby’okuzaala byakuggwaamu ensa. Era ekiseera kijja kutuuka ng’abantu eby’okulumwa ebisa tebakyabiriko, okuggyako okulinda oli azadde beekwase obusongasonga era bakozese n’omusimbi okulaba nga babba abaana ba bannaabwe.

Ggwe teebereza okukusiba nga bakulanga okubba omwana gwe wakeera enkya n’omusindika, n’omuyonsa era n’atandika n’okusoma! Bino byampuna. N’abaana tubataataaganya okubazunza nga tubazza eno n’eri.

Ggwe teebereza, Nannyomo yazaalibwa n’akula ng’akimanyi nti nnyina ye Nabulya. Aba ali awo nga Namwanje ayingiddewo nti ‘nze nnyoko omutuufu.’

Omwana asigala yeebuuza engeri gye yakulira mu mbuto za bamaama ababiri! Kannyabo ate ne kamaliriza nga kaggyiddwa ku bazadde baako ne katwalibwa mu mikono gya poliisi!

Abakazi bwe bateggyeemu butiitiizi ne badduka mu leeba nga balinda abaana abakulize, ensi yaakugwa eddalu lyennyini ekkankada. Bw’ova ku byange, genda ku wa ngatto!

More From The Author

Emboozi z’omuwandiisi endala

Emboozi endala

Pulezidenti Museveni ne Kagame...

PULEZIDENTI Museveni ne munne Paul Kagame enkya ku Lwokusatu basuubirwa okuddamu okusisinkana mu Angola mu lukung’aana...

Katolubwamalubaga2 220x290

Honalebo ennuuni eyo tugende nayo...

OMUBAKA wa Lubaga South, Kato Lubwama asimbudde. Ku Lwokutaano yababidde abatuuze b’e Lubaga South ebintu omwabadde...

Sengendo2002web 220x290

Twagala abakazi abateekomomma mu...

Abasajja banoonya abkazi baakuwasa nga tebeekomomma mu kulaga amapenzi, abalungi ate nga baabuulirirwa

Sharonweb 220x290

Banoonya abasajja abateemotyamotya...

Abakazi abanoonya abasajja abateemotyamotya mu laavu.

Prowew 220x290

Proline etutte Matia Lule

Ekifo ekyabadde ekya Shafiq Bisaso ku Proline kitwaliddwa Matia Lule.