TOP

Ow'emyaka 18 afudde aggyamu olubuto!

By SHAMIM NABUNNYA

Added 26th July 2016

OMUVUBUKA atutte omuwala mu ddwaaliro okuggyamu olubuto kyokka omuwala n’afiira ku ddwaaliro e Kiruddu.

Twala 703x422

Nakato, abadde ow’emyaka 18.. Ku ddyo ye muninkini we Muteefu eyamututte mu ddwaaliro baggyemu olubuto

OMUVUBUKA atutte omuwala mu ddwaaliro okuggyamu olubuto kyokka omuwala n’afiira ku ddwaaliro e Kiruddu.

Emmanuel Muteefu, 23, ow’e Kyebando ng’akolera ku kizimbe kya Majestic mu dduuka eritunda eby’abagole, yakwatiddwa oluvannyuma lw’okufa kw’omuwala Cissy Zahara Nakato,18 ku Lwokusatu lwa wiiki ewedde.

Kigambibwa nti omuwala ono, abadde akola mu kirabo ky’emmere ku Arua Park mu Kampala, yatwaliddwa mu kalwaliro akamu e Nsambya West Zone okuggyamu olubuto nga muganzi we Muteefu amuwadde emitwalo 11 aggyemu olubuto.

Bwe baamaze okulumuggyamu, n’atabuka. Abasawo baamuwadde owa bodaboda (ataategeerekese mannya, nga kati anoonyezebwa poliisi) n’amuvuga ng’alebaaleba.

Yamusudde ebweru w’eddwaaliro lya KCCA ery’e Kiruddu ku lw’e Salaama n’amulekawo n’avuga pikipiki ye n’adduka. Abantu baamukuhhaaniddeko era wano n’abasawo we bajjidde kyokka baabadde bakyamubuuza ogubadde, n’akutuka n’afa.

Baakubidde poliisi y’e Katwe n’enona omulambo n’egutwala e Mulago.

Ab’oluganda lwa Nakato baalabye abuze kwe kulumba Muteefu ku Ssande ne bamuyitira ne poliisi ku Majestic n’atwalibwa ku poliisi e Katwe.

Yakkirizza nti yawadde omuwala 110,000/- naye nti teyamugambye ky’agenda kuzikozesa.

DPC w’e Katwe Samuel Mission eggulo yagambye nti banoonya n’omusawo amanyiddwaako erya Steven, agambibwa okuggyamu omuwala olubuto.

More From The Author

Emboozi z’omuwandiisi endala

Emboozi endala

Mpolo9webusebig 220x290

Bakatikkiro b'ebika bafunye essuubi...

Ssaabawolereza wa Mmengo, Christopher Bwanika yasabye ebika okuwandiisa enkiiko z'abayima era balambike bulungi...

Renah1 220x290

Renah Nalumansi azaalidde maneja...

Omuyimbi Renah Nalumansi azaalidde Justin Bas omusika ne yeewaana "sikyali mu kiraasi ya ba laavu nigga"

Tegula 220x290

Mutabani, buno bwe butaka bwaffe...

MUTABANI wa Bobi Wine akuze. Era nga taata ow’obuvunaanyizibwa, Bobi Wine takyaleka mutabani we waka.

Fun 220x290

Nakakande yeeriisa nkuuli mu Miss...

NNALULUNGI wa Uganda, Oliver Nakakande (owookubiri ku ddyo) ayongedde okutangaaza emikisa gye okuvuganya mu mpaka...

Kubayo 220x290

Eddy Kenzo Guma newange bibuuza...

ABAYIMBI Jose Chameleone ne Eddy Kenzo baabaddeko mu kivvulu kya Wizkid e Lugogo. Baalabiddwaako nga beesika mu...